Ibero, Nafarroan iraun duen Erdi Aroko industrigune bakarra auzolanean zainduko dute

  • XIV. mendetik zutik zegoen Iberoko dorreak kolpe itzela hartu zuen 2006tik 2009ra bitartean, teilatua gainera erori zitzaionean. Goizueta eta Leitza artean dagoen monumentu multzoaren zati ikusgarriena da agian dorrea, baina horrez gain burdinola, zubia eta baserria baditu Iberok, Nafarroan iraun duen Erdi Aroko industrigune bakarra da.


2018ko maiatzaren 24an - 17:28
Iberoko dorrea zaharberritze lanetan dago momentu honetan (arg.: Nafarroako Gobernua)

2011 Leitzako Udalak eraikinak eta lurzoruak erosi zituen, egoera tamalgarriari buelta eman nahian eta orain Nafarroako Gobernuak eta Goizueta eta Leitzako udalek sinatutako lankidetza-hitzarmenari esker zaharberritzen ari dira. Dorreko lanak 2017an hasi zituzten eta burdinolaren aurriak berreskuratzeko “lehen urrats” gisa daukate hori. 

Asteazkenean sinatu zuten hitzarmena erakunde publikoetako ordezkariek, eta horren bidez Nafarroako Gobernuak beregain hartuko ditu dorrea eta zubia zaharberritzeko lanak; 600.000 euro inguruko aurrekontua du horretarako. Goizuetako eta Leitzako udalek, aldiz, ondare multzorako sarbideak eta aparkalekuak atondu, ibilbideak markatu, baserria txukundu eta eraikinak zaintzeko eta ezagutzera emateko ardura hartuko dute besteak beste, herritarren arteko auzolanaren bidez, “komunitatea eta lurraldea ondare kulturalaren biziberritze eta zabalkundean uztartzeko asmoz”.

Iberoko industrigunearen bereizgarria da toki oso txikian hainbat eraikin esanguratsu biltzen dituela. Dorrea, Karlos II.a Evreuxkoaren erregealdian (1349-1387) eraiki zen, Gaztelarekin mugan egonagatik Nafarroako Erreinuak jasaten zituen erasoengandik babesteko. Hamar metroko altuera du, baina jatorriz oraindik garaiagoa zela pentsatzen da; baleztariek erabiltzen zituzten gezi-arkuak eta kare-harrizko dobelez osaturiko erdi-puntuko arkua mantendu ditu, besteak beste.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Ondare arkitektonikoa
Mizerinok eztabaida piztu du

Mostafa Waziri Egiptoko Antzinaroko Kontseilu Goreneko idazkari nagusiak Mizerinoren piramidea zaharberritzeko proiektu erraldoia aurkeztu du berriki: Gizako piramiderik txikiena granitozko blokez estaliko dute, jatorrizko itxura berreskuratu dezan. Wazirik proiektua gogo biziz... [+]


2023-12-31 | Ula Iruretagoiena
Lurraldea eta arkitektura
Baserriak

Berriki Donostiako Arkitektura Eskolan agerkunde arkitektoniko bat izan dugu. Tesi doktoral baten markoan eta Ibon Telleria arkitektoaren eskutik, euskal baserriaren inguruko ezagutzaren aldaera bat azaldu da. Ekarpenak dio, lagar ereduaren baserrien hasierako eraikuntza 1450... [+]


2023-05-07 | Ula Iruretagoiena
Lurraldea eta arkitektura
Hondarribiko baserria

Baserri ingurunea dramen gertakari izan da berrietan, eskopeta eta hondeatzailea bitartekari. Notizietako baten arabera, Moskenea zuen izena, eta akabatua izan da. Bere haragia harri eta egurrezkoa bazen ere, bere desagerpenak inpaktua sortu eta tristura ekarri du. Hondarribiko... [+]


Serorak
Herri ondarearen zaindariak, elizako agintarien jomugan

Herrietako elizen zaintzaz arduratzen ziren emakumeak ziren serorak eta Euskal Herri osoan ezagunak izan ziren, Erdi Arotik XX. mendera arte. Baina bete zuten funtzioa ez zen berdina izan lurralde guztietan, ezta garai guztietan ere. Emakume haiek publikoki nabarmentzen ziren... [+]


400 urteko baserria bota dute Hondarribian, txalet bat egiteko

Hondarribiko Zimizarga auzoan zegoen Moxkanea izeneko baserria bota dute egunotan hondeamakinek. Baserriaren lehen aipamenak  1663. urtekoak dira eta garai hartan Bidasoa bailaran eta Lapurdin hedatu zen tipologia arkitektonikoa mantentzen zuen. Udalak gertatutakoa... [+]


Eguneraketa berriak daude