Ia 48 orduz torturak, tratu txarrak eta legez kanpoko galdeketak jaso ostean, aske dira Saharako bi kazetariak

  • Marokoko Poliziak Said Amidan eta Brahim Laajail kazetari sahararren atxiloketari buruzko iritzia, Askapenako kide baten eskutik.


2016ko urriaren 04an - 16:53

Azken hilabeteetan Saharan bizi den tentsio egoerak urrats bat gehiago eman du gaurkoan. Ohikoak bilakatu dira manifestazioen aurkako poliziaren eta kolonoen oldarraldiak, baita militante sahararren aurkako eraso eta atxiloketak, Marokoren etengabeko mehatxuak, MINURSOren kanporaketa, edota Guelmin-en (RADSen kontrolpean den eremu librean) egindako inbasio militar ilegala. Baina guzti hori isildua zaigu nazioarteari, Marokok eta bere bidelagun diren potentziek gauzatzen duten blokeo mediatikoaren emaitza.

Eta hori da hain zuzen Equipe Media-ko lagun eta kideek salatu eta apurtu nahi dutena, Mendebaldeko Sahararen inguruan den blokeo mediatikoa; egunerokoan ematen diren erasoak irudi bidez mundura hedatuz, isilpean gertatzen den kolonizazio eta giza eskubideen urraketa etengabeak gureganaino ekarriz. Atxiloketa berri hauekin, Marokoko indar errepresiboek beste behin ere, lan hori eten nahi izan dute, badakitelako burutzen duten genozidio eta basakeriak iraun dezan, isilpean egon behar duela.

Gure lagun diren Said Amidan eta Brahim Laajil gazteak, euren unibertsitate ikasketei berrekiteko El Aaiunetik Agadirrera bidean geldiarazi eta atxilotu zituen Marokoko polizia sekretuak, Guelmin herriko kontrolean. Atxiloaldia baino bahiketa izan dela salatu dute haien ingurukoek, ez baitiete atxiloketaren ezta atxilotuen egoeraren berririk eman. Beraz, modu ilegalean atxilotuak, bahituak, etengabe galdekatuak eta torturatuak izan dira.

Askapenak gogor salatu nahi du asteburuan jazotakoa, baina baita Marokok, nazioartearen babesarekin, ilegalki Okupaturiko Saharan egiten duen jazarpen etengabea ere. Gaurkoan albistea ez da espero zitekeen bezain beltza izan, baina ezin dugu ahaztu asko direla Marokoko espetxeetan barreiatutako presoak, horietako zenbait kazetariak. Azkenik, beste behin ere azpimarratu nahi ditugu isilarazi nahi dutena kontatzeko prest diren gure kideen indarra, balentria eta esfortzua.

Mireia Mochales, Askapena talde internazionalistako kidea

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


2024-03-31 | Ula Iruretagoiena
Lurraldea eta arkitektura
Bestaldera begira

Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.

Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]


2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


2024-03-31 | David Bou
‘La xarxa ultra’

ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.

Otsailaren 20an La xarxa ultra... [+]


Eguneraketa berriak daude