Hormigoian kateatuta, Ibarbengoako obren aurka

  • Ibarbengoako (Getxo) geltokiaren ondoan aparkaleku erraldoia eraikitzeko egitasmoa salatzeko ekintza egin du Tosu Betirako asanbladak, obren aurkako kanpaldiaren lehen gauaren biharamunean. Asanbladako kide bat Algortako kale nagusietako baten errepidean jesarri da, besoa hodi baten barruan kateatu eta hormigoizko bloke handi batek inguratuta. Handik hiru ordura askatu dute suhiltzaileek.

Unai Brea @unaibrea
2017ko irailaren 01a
Argazkia: Unai Brea

“Tosuko landako obrek zer ekarriko duten herriaren erdigunean erakutsi nahi izan dugu ekintza sinboliko honen bidez”, azaldu dute Tosu Betirakoko kideek, “horregatik paratu dugu hormigoiak harrapatutako pertsona bat bidean”. Getxoko herritarren artean Tosuko aparkalekuaz eztabaida piztu nahi dute, “Udal honek jendearen iritzia kontuan hartu barik egiten ditu-eta gauzak”.

Ekintzak trafikoa moteldu du hiru orduz, baina guztiz oztopatu gabe, bi erreietako bakarra okupatu baitute. Hormigoian kateatu den asanbladako kidearen ondoan pankarta bat zabaldu dute, “Badatoz obrak” mezuarekin. Aurreko bi kanpaldien bidez lanak atzeratu dituztela eta hirugarrenean behin betiko geldiarazteko nahia ere adierazi dute pankartan. Dozenaka lagun bildu dira haren inguruan, errepidean zegoen ekintzaileari babesa emanez.

Argazkia: Unai Brea

“Obrak legez kanpokoak dira”

Inguruan ipinitako beste pankarta batek Tosuko obra legez kanpokoa dela zioen. “Ez da egin ingurumen inpaktu txostenik, legearen trikimailu bat baliatuta”, esan digu asanbladako kide batek. Haren azalpenaren arabera, aparkalekua Ibarbengoako metro geltokiari lortuta dago, eta proiektu osoa diseinatu zen garaian ez zen beharrezkoa trenbide-azpiegituretarako ingurumen inpaktu azterketarik egitea. “Gaur egun, aldiz, bada, baina Jaurlaritza proiektua lehenagokoa dela argudiatzen ari da txostenik egin gabe ere lanak has daitezkeela esateko”.

Azkenik suhiltzaileek askatu dute hormigoian kateatutako ekintzailea, makina erradiala eta mailu zulatzailea erabiliz. Ordubetetik gora behar izaten dute horretarako. Osasun zerbitzuek bertan artatu dute Tosu Betirakoko kidea, eta Ertzaintzak identifikatu egin du, baina ez du atxilo eraman.  

Suhiltzaileek ordubete baino gehiago eman dute ekintzailea hormigoitik askatzen. (Arg.: Unai Brea)

Erresistentzia kanpaldiak aurrera jarraitzen du

Tosu Betirakok hainbat ekitaldi prestatu du erresistentzia kanpaldian egiteko. Desalojo saiakera laster izango dutela aurreikusten dute, epaileak dagoeneko sinatua baitu Ertzaintza bertara sartzeko baimena. Edozein kasutan, guztiz argitzeke dago Tosun erroldatutako pertsonaren egoera. Pertsona horrek doako justizia eskatu zuen eta oraintsu arte ez diote abokaturik esleitu. Berak adierazi digunez, baliteke astelehenean zehazki jakitea noiz artekoa duen Tosutik alde egiteko epea.

Kanal hauetan artxibatua: Tosuko borroka  |  Getxo

Tosuko borroka kanaletik interesatuko zaizu...
2017-12-19 | Hiruka .eus
Obrek botatako zuhaitz bat utzi dute Algortako Batzokian, "Tosuko txikizioa" salatzeko

Tosu Betirako plataformak deituta, Ibarbengoako aparkalekua eraiki gura duten landarainoko martxa egin zuten zapatuan, hilaren 16an, 200 lagun inguruk. Tosu landa ertzainez inguratuta zegoen; hala ere, lanen hasiera salatu zuten bertan herritarrek. Ondoren, hondeamakinek obren hasieran bota zuten zuhaitz bat hartu eta Algortako Batzokira eraman zuten EAJren jarrera salatzeko, "txikizioak erantzule zuzen bat" daukalakoan.


2017-12-14 | Unai Brea
Larunbatean Tosura egingo den martxara joateko dei egin dute

Larunbatean Getxoko Tosu landara joango den manifestazioan parte hartzeko deia egin du Tosu Betirako asanbladak. Urriaren 21ean ingurua berriz okupatu ostean eraikitako etxolaren alboan egun dute agerraldia, buzo zuriz jantzita eta aurpegiak maskaratxoz estalita; abenduaren 16an egingo den martxara doazenei ere halako bana emango diete, mobilizazioa "ikusgarriagoa izateko eta Andra Mariren suntsipenak ekarriko duen kutsadura salatzeko".     


2017-12-14 | Hiruka .eus
Tosuko landan Jaurlaritzaren eta Viviendas de Vizcayaren arteko akordioa zein den galdetu du EH Bilduk

Getxoko Tosu landaren inguruan galdegin dio Mikel Otero Gabirondo EH Bilduko legebiltzarkideak Eusko Jaurlaritzari. Ekonomia Garapena eta Azpiegituretako Sailburuari egin dio errekerimendua, Jaurlaritzaren eta Viviendas de Vizcaya S.A. enpresaren arteko akordioa zein izan den jakiteko. Izan ere, enpresa horrek Tosu landan duen partzela osora zabaldu dute aparkalekua eraikitzeko obra eremua. Hala, akordioaren baldintzak zeintzuk izan diren ere galdetu[+]


2017-11-28 | Andoni Mikelarena
Pertsona bat kateatu da Getxoko Tosu landan, lanak eragozteko

Hesia eraikitzeko lanetan ari dira hondeamakinak. Herritar bat lurrean etzan eta kateatu egin da. Herritarrei bertara joateko eskatu diete asanbladako kideek. Astelehenean sartu ziren berriz hondeamakinak Tosun.


2017-11-13 | Andoni Mikelarena
"Tosuko obra atzeratzen dugun egun bakoitzeko, gertuago dago proiektua geratzeko aukera"

Larunbatean Ibarbengoako parkingaren aurkako manifestazioa egin zuten Getxon. “Pozik” agertu dira antolatzaileak herritarren erantzunarekin.


2017-11-07 | Topatu.eus
Ibarbengoako parkingaren aurkako manifestazioa egingo da larunbatean

Azken asteotan Ibarbengoako parkingaren obren hasierak oihartzun zabala izan du Getxon zein beste txoko batzuetan. Erresistentzian jarraitzen dute hainbat auzokidek, Tosuko landagunea biziberritzen. Azaroaren 11n manifestazioa egingo da goizeko 12:30ean Telletxe plazatik irtenda.


2017-11-06 | Hainbat egile*
Tosutik Euskal Herri osora, autogestioa eta sedizioa bizkortu

Ibarbengoko aparkalekua eraikitzearen aurka burutzen ari diren ekimenen oihartzunak heltzen ari zaizkigu Getxotik. Tosuko kanpaldiari eusten diotenek, behargabeko azpiegitura proiektuei aurre egiteko askegune txiki batek lortu ditzaken antolaketa eta indar harremana uzten dizkigute agerian.


Tosu, alferreko azpiegituren aurkako erresistentziaren ikur

Urriaren 17ko goiza nahikoa izan zuten, ertzainek lehenik eta hondeamakinek gero, hilabete askoan eraikitako etxola eraitsi eta baratzeak suntsitzeko Getxoko Tosu landan. Azken erresistentzia zantzuak gauerdira arte iraun zuen ordea: tripodearen gaineko ekintzaileak jaisteari uko egin eta han egon zen hamasei orduz.


2017-10-26 | Unai Brea
Tosuko aparkalekuko lanak, bertan behera momentuz

Getxoko Tosu landan zeuden hondeamakinak eraman egin dituztela jakinarazi du Tosu Betirako asanbladak. Hesiak, edukiontziak eta gainerako materiala ere bertatik kendu dituztela gaineratu dute.  


2017-10-24 | Andoni Mikelarena
Manifestaziora deitu du Tosu Betirako asanbladak azaroaren 11rako

Urriaren 17ko desalojoaren ostean berriz okupatu dute Getxoko Tosu landa. Metro geltokiaren aparkalekuaren proiektuaren aurka manifestazioa deitu dute azaroaren 11rako.


Azkenak
EGILEA
Eguneraketa berriak daude