Iritzia

Horia da gure 'green'

  • Izan kolore zioen Gora Gasteiz mugimenduak 2015eko apirilean, harik eta ekainean alkate xenofobo arduragabea aldatzea lortu genuen arte. Geroztik, bakoitzak geure kolorea eman diogu hiriari: mugimendu feministak morea eman du (lila argia beharrean, more indartsua eman ere!); hezkuntza-komunitatea gorriak ikusten ari da, haurrei behar bezalako prestakuntza emateko; udal eta foru langileek etorkizun beltza aldarazi nahi dute, murrizketei aurre egiten; Santo Domingo kaleko biztanleek kristoren marroia daukate, Udalaren utzikeria dela-eta... Esandakoa: bakoitzak geure kolorea. 

     

Jon Altza
2018ko urtarrilaren 02a
Errekaleorrren aldeko manifestazioa, Gasteizen. (Arg.: Alea)

Baina bada kolore bat 2017an nabarmendu dena: horia. Errekaleorren ehun gasteiztar argindarrik gabe utzi zituen Iberdrolak joan den maiatzean, Udalaren konplizitatearekin. Errekaleortarrek, baina, argi zutela esan ziguten, bonbillen argi horixkak berriz pizteko prest zeudela. Eta Gasteizek konfiantza osoa adierazi zion auzo askeari: elkartasun-ekimenak nahi adina izan ziren, manifestazio erraldoia tartean. 

Onartu behar da, baina, batzuengan harridura piztu zela Errekaleor irla energetiko bilakatzeko apustua kaleratu zenean: 100.000 euro behar zituzten eguzki-plakak erosi eta instalatzeko, energia berriztagarrien aldeko apustu paregabea eginda. Diru askotxo zela uste genuen batzuek, ezinezkoa izango zela, ez zirela iritsiko... Bada, udaren beroan, uztailean, lortu zuten diru-kopurua gainditzea: negu hotzari aurre egiteko moduan izango ziren errekaleortarrak. Harro.

Auzo askeak erakutsi du beste mundu bat posible dela, antolaketa komunitarioan, auzolanean, energia-hornitzaile handiez aparte, pertsonak erdigunean ipinita... eta horixe da EAJk jasan ezin duena. 

Jarrera paternalista adierazi du udal gobernuak auzi honetan ("Errekaleorren ezin da bizi" izan da Urtaran alkateak behin eta berriz errepikatu duen esaldia, bere argudio nagusia bertakoenganako kezka balitz bezala). Baina jasan ezin duena da, bereziki, herritarrek euren burua antolatzea, eurek kudeatzen dituzten erakundeez aparte, gizarte-eredu nagusi horretatik kanpo. 

Harrotasuna pizten du Errekaleorrek. Green Capital izateak baino dezente harrotasun handiagoa. Horregatik ez da ulertzen nola Gorka Urtaran alkateak mehatxu gisa ikusten duen Erreka, aukera gisa ikusi beharrean: Gasteiz mapan kokatu du Errekaleorrek, alkateari gustatu ala ez. 

Edo agian ongiegi ulertzen da auzoa eraisteko alkatearen asmoa: Errekaleor ez dadila eredu izan, ez dadila zabaldu. Sentitzen dugu Urtaran jauna, baina guk argi dugu: eredu bat da dagoeneko. Horia delako benetako green kolorea ekarriko duena.

Iritzi hau Arabako Aleak argitaratu du eta ARGIAra ekarri dugu CC by-sa lizentzia baliatuta

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Errekaleor  |  Gasteiz

Errekaleor kanaletik interesatuko zaizu...
2018-07-16 | Topatu.eus
Errekaleor margotzeko auzolanera deitu dute uztailaren 23tik abuztuaren 3ra

Auzolanean parte hartzen dutenek Errekaleorren gosaldu, bazkaldu eta afaltzeko aukera edukiko dute, baita auzoan lo egitekoa ere, espazio komun zein kanpin dendetan. Izena emateko auzolanaerrekaleor@riseup.net helbidera idazteko eskatu dute.


2018-06-25 | ARGIA
Errekaleorreko hamazazpi mural erraldoiak

Gasteizko Errekaleor auzoan dauden mural erraldoien argazkiak.


2018-06-01 | Hala Bedi
Entzun 'OkupaTUGasteiz' abestia, Ekaitz Samaniegoren letrarekin

Abestiaren basea Dj Lorok egin du eta ahotsetan Arabako zenbait musikarik parte hartu dute, Ekaitz Samaniego gasteizko preso politikoaren letrekin. Bestalde, urriaren 6ko egun handirako beroketa-lanak egiteko, jaialdia egingo dute ekainaren 10ean Gaztetxean, DJ lokalekin lagunduta.


2018-05-21 | Hala Bedi
Errekaleor Free District: A Year of Solidarity

A year has gone by since Iberdrola electric company and the Basque Government cut the power on the Errekaleor district of Gasteiz. The project then became known to many people, and there was a huge wave of solidarity. Amongst other things, they collected € 10,000 to create their own energy system and now, one year later, they want to thank everybody who took part in the fund-raising on May 20th, which they are calling 100 mila esker ("A Hundred Thousand Thanks") Day.


2018-05-18 | Hala Bedi
Jasotako babesa eskertzeko unea iritsi zaio Errekaleorri

Eusko Jaurlaritzak eta Iberdrolak Errekaleorri argia moztu ziotenetik urtebete igaro denean, agerraldia egin dute auzokideek, bataila hura irabazi izanak ez dituela auzokideak lasaitu gogoratuz. Euskal Herriko irla energetiko handiena izateko jaso zuten babesa eskertzeko -100.000 eurotik gora-, 100 mila esker jaialdia egingo dute igandean.


Errekaleor: bizitza hautatu genuen
MULTIMEDIA - bideo herrikoia

Urtebete da poliziaz lagundurik Gasteizko Udalak Errekaleor auzoko bizilagunei argia moztu zienetik. Elkartasunez eta autogestioz auzoa eraikitzen jarraitzen dute bertako herritarrek. Oso bizirik daudela berretsi dute bideo honen bitartez.


2018-05-14 | Hala Bedi
Errekaleor, urtebete elkartasunaren argipean

Urtebete igaro da Iberdrolak eta Eusko Jaurlaritzak Errekaleor auzo askeari argia moztu ziotenetik. Askorentzako ezezaguna zen proiektua ezaguna bilakatu zen orduan eta elkartasun uholde erraldoi handi bat izan zen horren errudunetako bat. Besteak beste, 100.000 euro lortu zituzten energia sistema propioa eraikitzeko eta, orain, urtebete pasata, diru-bilketa horretan parte hartu zuten guztiei eskerrak emango dizkiete maiatzaren 20an, “100 mila esker” elkartasun egunean.


2018-05-08 | Zebrabidea
"Errekaleorreko egitasmoak Gasteiz osoari zabaldu nahi dizkiogu"

Maiatzaren 18an beteko da urtebeteko Errekaleor auzo askeari udalak argia moztu zionetik. Hilabeteetako lanaren ondoren, eguzki plaken bidez energetikoki buruaskia da dagoeneko auzoa, eta honek bizi eredu jasangarriago eta komunitarioagorako aukera zabaldu die, besteak beste. Hainbat proiektu dituzte eskuartean, eta egitasmo horietako asko Gasteizko kolektiboei zabaldu dizkiete: ensaio lokala, herri inprenta eta baratza, adibidez. Errekaleor Bizirik proiektuko kide den Jon izan da Zebrabidean,... [+]


ZADera autobusa antolatu nahi dute Errekaleorreko lagunek

Poliziaren esku-hartzearen ondoren, Notre-Dame-des-Landes Bretainiako baso okupatuko herritarrei zaintza, babesa eta laguntza eskaini nahi diete Errekaleorreko lagunek. Euskal Herritik bertaratu nahi duenak, aukera du izena emateko: asteburuan egin nahi dute joan-etorria, eta Gasteiz, Donostia eta Baiona izango ditu geltoki autobusak.


2018-04-04 | Arabako Alea
"Faxismoaren gorakada" aztertuko dute Gasteizko Errekaleor auzoan egingo den jardunaldi batean

Ostegunean hasita eta larunbatera bitartean "faxismoaren gorakada" aztertuko dute Errekaleorren, Euskal Herriko Sare Antifaxistak antolatuta.


Azkenak
EGILEA
Eguneraketa berriak daude