Hollandek "borrokarako gobernua" osatu du, Manuel Valls lehen ministro izendatuta

  • Asteburuko Frantziako herriko bozetan PSek lortutako emaitza eskasen ostean, François Hollande presidenteak gobernua berrantolatu du: Manuel Valls izango da lehen ministro hemendik aurrera.


2014ko apirilaren 01an - 00:00
Azken eguneraketa: 2015-02-26 13:37:33
Manuel Valls Frantziako lehen ministro berria atzean, eta Jean-Marc Ayrault lehen ministro ohia lehen planoan. (Arg: Daily Mail)

Orain arte barne ministro zen Vallsek Jean-Marc Ayraulten lekua hartuko du. 150 udal nagusitan baino gehiagotan Alderdi Sozialistak gehiengoa galdu ostean eta eskuinaren gorakada ikusirik, dimisioa aurkeztu du orain arteko lehen ministroak. Estatuko buruzagiak telebista bidez zabaldu du notizia eta izendapen berria, eta “etapa berri baten hasiera” iragarri du.

Manuel Vallsekin Frantziak gobernu murritzago eta “borrokalariagoa” izango duela esan du Hollandek, eta Vallsek hiru helbururekin gobernatuko duela adierazi du: Frantziari indar ekonomikoa itzultzea, justizia sozialean zentratzea eta frantsesen ahalmen ekonomikoa handitzea.

“Enpresak dira lana sortzen dutenak, injustiziarik handiena langabezia da. Beraz erabakigarria da gehiago eta desberdin produzitzea, gure herrialdearen etorkizunerako“, esan du Hollandek.

Zergen murrizketa agindu zuen Frantziako presidenteak eta langileek ordaindutako kotizazioak jeitsiko dituela esan du. “Frantziak Europan eta munduan zuen influentzia birkonkistatu” beharra dagoela esan du 2012an Nicolas Sarkozyren lekua hartu zuenak.

Manuel Vallsek barne ministro bezala izan duen agintaldia polemikaz betea izan da: Kosovoko ijito familia bat Frantziatik kanporatu zuen eta ETAren aurka egiteko Espainiarekin kidetasun handia eduki du, besteak beste.


Kanal honetatik interesatuko zaizu: Frantzia
Elkarretaratzera eginen dute Baionan, Frantziako Ekonomia eta Etxebizitza ministroen bisitaren kari

Guillaume Kasbarian Etxebizitza ministroa eta Bruno Le Maire Ekonomia eta Finantza ministroa Baionan egonen dira ostiral honetan. Etxebizitza eskubidearen aldeko elkarretaratzera deitu du Herrian Bizi plataformak.


2024-03-12 | Euskal Irratiak
Jacqueline Idiart
"1970eko hamarkadan milioi bat emaztek abortatzen zuten Frantzian legez kanpo"

Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.


Eutanasiari buruzko lege-proiektua jakitera eman du Macronek apirilerako

Liberation eta La Croix egunkariei emandako elkarrizketan, eutanasiari bide emango dion lege proiektu bat bozkatzeko asmoa dutela iragarri du Frantziako presidenteak.


Frantziako Konstituzioak jasoko du "aborturako askatasuna bermatzea"

Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.


Eguneraketa berriak daude