Donostiako kronika

Hitzak motz geratu direnekoa

  • Greba, planto, amantalak zintzilik, bakoitzak bere modura eta bakoitzak beretik emanda. Horiek izan dira mugimendu feministaren aukerak aurtengo M8rako. Zabalak eta denon ahal-gusturako. Herriak, baina, bestela erantzun du: saltokiak itxi dira, bazterrak pankartaz bete dituzte eta kaleak lehertzear egon dira. 2018ko emakumeen nazioarteko eguna ez da beste egun more bat izango; idatzita dago jada.

Maddi Txintxurreta @mtxintxurreta  |  Miren Osa Galdona @Mirentx_U
2018ko martxoaren 09a

Goizean goizetik girotu da Donostia. Bizikleta martxak emakume ugari bildu ditu eta motorrak berotzeko balio izan du. Eztanda, ordea, ondoren iritsi da: Bulebar etorbidea txiki geratu da eguerdi aldean. Ordurako gainditu dira mugimendu feministak egindako aurreikuspen guztiak. Jarrera baikorrenak ere ez luke horrelakorik imajinatuko. Belaunaldi ezberdinetako emakumeak bildu dira, herrialde ezberdinetakoak, klase ezberdinetakoak. Funtsean, emakume borrokalari eta anitzak.

Goizak eman duena ikusita, eguerdia indarrak hartzeko unea izan da. Baina gutxik esperotako ezusteko bat iritsi da: Jose Ignacio Munilla Donostiako gotzainak iradoki bezala, deabruak azaldu dira hirian eta aurpegia eman dute Artzain Onaren aurrean. Dudarik gabe, eguneko argazkietako bat izan da.

Greba klasikoaren estandarra albo batera utzi gabe, eredu berriak ere sortu daitezkeela erakutsi dute milaka emakumek. Hainbat etxetan nahiz hezkuntza zentroetan gertatu diren kaos “txiki-handiak” emakumeek daukaten lan karga azaleratu dute. Gizonek kargu hartu behar izan dute, zenbat izan diren oraingoz ezin zehaztu bada ere, hausnarketa prozesu bat abiatzeko balio izango du. Emakumeek erakutsi dutena da nazkatuta daudela, gainkarga handia bizkarrean daramatelako eta egunak joan ahala ezer gutxi aldatzen delako.

Martxoaren 8ko ohiturari jarraituz, Bulebarrean biltzekoak ziren donostiarrak. Tradizioa izanik ere, historia egin zen atzo: manifestazioren buruak buztana harrapatu du. Aldarrikapen oihuak ozen entzun dira. Zarata nonahi izan da. Irrintziak bazter guztietan entzun dira. Historikoa izanda ere, ez dezala erlaxatzeko balio eta hurrengo urtean beste hainbeste elkartzeko balio dezala.

Bulebarrak ezohiko irudia eman du 22:00ak iristear zirela: kalea moztuta, autobusak geldirik eta emakumeen joan etorria errepidean. Esperientzia gehien dutenak Donostian halakorik inoiz ez dela izan nabarmendu dute hedabideen aurrean. Gazteenek ilusioz ospatu eta borrokatu dute eguna. Erabat konforme geratu ez  denik ere egongo da, baina biharamuneko egunkariek nekez azpimarratuko dute balorazio ahulik. Greban parte hartu dutenen tripetan beste zerbait mugitu da: Eta mugimendu handiago baten hasiera baino ez dela dirudi.

Hausnarketarako balio izan du, barrenak mugitzeko, kaleak betetzeko, eskolak husteko, saltokiak ixteko, zaintza lanak baloratzeko, alboko emakumea gehiago miresteko, elkarrengandik gertuago sentitzeko, indarrak batzeko. Inork gutxi espero zuena gertatu da eta testigu izateko parada izan dugu. Hemendik urte batzuetara emakume askok akorduan gordeko duten eguna izan da. Bilobei kontatzen zaizkien horietakoa.

Kanal honetan artxibatua: M8 greba feminista

M8 greba feminista kanaletik interesatuko zaizu...
2018-05-13 | Baleike
Mozal Legea ezarri diote Zumaiako mugimendu feministari

Aspaldi ikusi gabeko manifestazioak izan ziren Zumaian martxoaren 8an, Emakumearen egunean. Bai eguerdian bai arratsaldean jendetzak hartu zuen parte Mugimendu Feministak deitutako ekitaldietan. Ekintza horiek izan dute bere alde negatiboa, izan ere, bi une horietan egindako mobilizazioengatik isunak jaso dituztela adierazi du gaur Mugimendu Feministak, “Zumaiako arteria nagusia moztu” izanagatik, alegia.


2018-04-17 | Arabako Alea
Mugimendu feministaren aurkako isunak salatu dituzte

Kartelak jartzeagatik eta grebarako deia zabaltzeagatik Gasteizko Udalak orotara 1.450 euroko zigorrak ezarri dizkiola salatu du Gasteizko Bilgune Feministak.


Fauna publikoa
Kartolak jantzita

Bergarako Martxanterak talde feministak eman dizkion erantzunengatik iritsi naiz Oihan Vegaren iritzi-artikulu batera, “M8, eta orain zer?” du titulua, pixka bat Leninen Zer egin? hura bezala, baina komunismorik gabe, zeren komunismoak ere ez baitu, Vegaren esanetan, matxismoa desagerrarazten –Twitterren irakurri diot erromeriako esplikazio hori, artikuluak eragindako polemikaren erantzunetan–, eta beraz, galdetzen du –berriz ere artikuluan–, zergatik salatu... [+]


2018-03-25 | David Bou
Armak eman ditzagun

Orrialde honetan idaztea proposatu zidatenean hainbat dudak harrapatu ninduen, gauza bat ebatzi behar nuen oroz gainetik. Sailean nor ordezkatzen nuen, ahots maskulinoen aldean ahots femeninoen pisua ezagutu nahi nuen. Erantzuna egokia izan zen.

Inork ez dezala pentsa, idazteko aukera eman zidatela nire pribilegioen oso kontzientea naizelako, aitzitik, lagun feminista bati aspaldian entzun nizkion hitz hauek burrunba egin zidaten: “Zure ustez, zer egin dezakegu gizonok borroka horretan... [+]


2018-03-20 | Txerra Rodriguez
Martxoaren 8ko greba feministatik irakaspenik euskalgintzetan?

Martxoaren 8ko grebak astindu ditu han eta hemen egitura batzuk. Ikusiko dugu astinaldi horiek iraunkor eta finko bihurtzen dituzten emakumeek*. Espero dezagun baietz.


2018-03-19 | Unai O˝ederra
M8ko greba feministak erakutsi diguna

Ez nuen oroitzen koadrilan guztiok gizonak ginela; martxoaren 9an konturatu nintzen. Afal aurreko poteoan txantxak, txisteak. Afal orduan, txotx deietan, “utzi pasatzen horiei, bestela…”, neskak zetozenean. Orduek aurrera egin ahala, iragazkiak ezabatuak, barruko minak, haserreak, erresistentziak, jarrera erreaktiboak. Bezperan, feministek Euskal Herriariari orri bat oparitu zioten mobilizazioen Guinness errekorren liburuan, eta koadrilan, pozez zoratzen ospakizunetan egon... [+]


Artxoak 8

Gu. Isildutako ahotsen jabe. Historia eta zientzia liburuetatik ezabatutakook. Gu. Erabaki guneetatik baztertutakook. Eremu pribatuan giltzapetuok. Prekarietatera kondenatuok. Lan berdinaren truke gutxiago kobratzen dugunok. Gu. Kontsumitu daitekeen objektu sexualtzat hartuok. Begirada lizun eta iruzkin zikinen xede. Gu. Bigarren planora baztertuok. Beldurrean heziok. Gau eta egun musu-truk lanean aritzera bultzatuok. Gu irainduok, jipoituok, bortxatuok, erailok. Gu… Gu,... [+]


2018-03-18 | Estitxu Eizagirre
Martxoak 8, greba feminista
Zapalduenek plaza hartu zutenekoa

“Nondik edo handik lehertu behar du”, “iraultza baterako baldintza objektibo guztiak daude”, “jendea bizitzeko hain larri egonik, nola ez du kaleak irakiten?”. Ezkerreko gizarte mugimenduek bilatzen zuten bizi baldintzak zukutzen ari den kapitalismoari kalean planto egiteko modua. Eta M8 Grebarekin gertatu da: gainezka egin du kaleak. Ezer ez da kasualitatea izan, eta aldi berean, inork aurrez irudikatuko ez zuena gertatu da, masa mugimenduetan ikustera ohitu... [+]


Martxoaren 8an mundua "gelditu" ostean "eraldatzeko" unea dela esan du mugimendu feministak

Greba feminista "egun historikoa" izan zen, greba eredua bera "birpentsatzeko" baliagarria, "aniztasunaz eta pribilegioez" ohartzekoa. Aurrera begira, Euskal Herriko mugimendu feministaren "interlokuzio gaitasunean" sakondu nahi dute.


Eguneraketa berriak daude