Hiru milioi errefuxiatu Sirian Nazio Batuen arabera
Iheslarientzako Nazio Batuen Goi Mandatariak (UNHCR ingelesez) salatu du bi siriarretik batek etxea utzi duela "egoera geroz eta beldurgarriagoengatik", BBCk jaso duenez. "Gure aroko larrialdi humanitariorik handiena da".
“Gaur egun UNHCRen ardurapean dagoen munduko errefuxiatu talderik handiena Siriakoa da, eta kopuru hori Palestinako hamarkadetako gatazkak bakarrik gainditzen du. 64 urtetako operaziorik handiena da Siriakoa”, adierazi du UNHCRek ohar batean.
UNHCRen datuen arabera, zortzi siririarretik batek muga zeharkatu du, iaz baino milioi bat gehiago, eta 6,5 milioi pertsona herrialdean barrena lekualdatu dira, erdia umeak. Errefuxiatu gehienak gertuko herrialdetara joan dira:
1.175.504 Libanora
832.508 Turkiara
613.252 Jordaniara
215.369 Irakera
139.090 Egiptora
23.367 Afrikako iparraldera
Siriatik ateratzea geroz eta zailagoa dela ohartarazi dute: “Askok muga-postuetan eroskeriak ordaintzera behartuta ikusten dituzte euren buruak, eta Jordaniako ekialdera iristeko basamortua zeharkatzen dutenek 100 dolar edo gehiago ordaindu behar izaten dizkiete kontrabandistei leku seguru batera iristeko”.
UNHCRen izena eman duten azken errefuxiatuek segurtasun eza, lana aurkitzeko zailtasuna, oinarrizko produktuen eta janariaren prezioen igoera drastikoa eta zerbitzuen gabezia aipatu dituzte Siriatik ihes egiteko arrazoien artean. Beste askok herrialdea utzi behar izan dute ez dutelako euren gaixotasunentzako tratamendua jasotzeko aukerarik.
UNHCRek jakinarazi du 4.100 milioi dolar jaso dituztela, baina 2.000 milioi gehiago behar direla oraindik Siriako krisiari aurre egin ahal izateko.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]