Hiru ikasleri eraso egin diete eta kalera ateratzeko deia egin dute eragile feministek

  • GUET talde feministak salatu duenez, hiru ikasleri eraso egin zieten aurreko ostegunean. Elkarretaratzea eta pegada masiboa egingo dute arratsaldean.

Hala Bedi @halabedi
2017ko irailaren 28a

GUET talde feministak jakinarazi duenez, hiru ikasleri eraso egin diete. Aurreko ostegunean, hiru emakume ikasle larriki erasotuak izan ziren, erasoa gainera beraien eremu intimoenean gertatuz: “Euren etxeetan, eta beraz teorian seguruen gauden lekuan ere hala ez gaudela erakusten du”, azaldu dute.

Eraso hau kasu isolatu bat ez dela azaldu dute eragile feministatik, “izan ere egunero milaka emakumeri egiten zaigu eraso eta zapalduak gara emakume izate hutsagatik”.

Oharrean ere “nazkatuta” daudela adierazi dute eta EHU-k instituzio publiko moduan ez duela inolako babesik eskaintzen salatu dute. “Ustezko protokolo bat baldin badauka, ikasleok horren berririk ez dugu, eta gainera ez dugu gure burua ikusten beraien eskuetan jarririk inolako soluzio eta babesik jasoko”.

Unibertsitatea talde feminista bezala, erasotuei behar duten laguntza eta babes guztia eskainiko die GUET taldeak. Aldi berean, erasotzaile ororen aurrean “hortzak zorrotz erakusteko prest eta indartsu gaudela ozen oihukatu nahi dugu”.

Elkarretaratzea ostegun arratsaldean

Erasoa salatzeko, hurrengo deialdia luzatu dute sare sozialetan: 19:00etan Kutxin egingo den pegada masiboa eta kontzentrazioa, gaur bertan.

 

Albiste hau Hala Bedi Irratiak argitaratu du eta CC-by-sa lizentziari esker ekarri dugu ARGIAra

Kanal hauetan artxibatua: Autodefentsa feminista  |  Indarkeria matxista  |  Gasteiz

Autodefentsa feminista kanaletik interesatuko zaizu...
2018-06-18 | Hala Bedi
Judimendiko jaiak ikuspegi feministatik; erasoen aurkako plangintzatik haratago

Aurreko urteko esperientziatik abiatuta, aurtengo Judimendiko jaiak lantzeko neska* gazte tade bat biltzen hasi zen  orain dela hilabete batzuk. Hausnarketa eta planteamendu askoren ostean, datozen egunetarako ekimenak eman dituzte jakitera.


2018-05-08 | Axier Lopez
30 urtez emakumeak bortxatzen boterearen hegalpean

Titularra idazte hutsak dardarizoa eragiten du. Txiki uzten du azken egunetan Euskal Herrian bizitzen ari garen eraso matxisten kate ankerra: Donibane Garazi, Bidarten eta Gasteizen hildako lau emakumeak, Iruñea eta Tolosako bortxaketak, Bizkaiko PPko kide Carlos Abajoren atxiloketa adingabekoei sexu kutsuko argazkiak egiteagatik, La Manadako auziak, hasieratik amaierara arte, eragin duen sumina edo Donostian hamaika eraso egin duen tatuatzailearen kasua, batzuk aipatzearren. Zerrenda... [+]


2018-04-06 | Baleike
Zumaiako ehun bat emakumek eraso sexisten aurkako protokoloa aurkeztu dute jaien atarian

Ostiralean hasiko dira San Telmo jaiak Zumaian, zalantzarik gabe herriak dituen jai garrantzitsuenak. Festa giroa eta alaitasuna nagusituko dira beste behin ere. Hori hala izanda ere, eraso sexisten arriskuak hor jarraitzen duela salatu zuten atzo Amaiako plazan bildutako emakumeek. Irakurketa bat egin zuten eta baita eraso sexisten aurkako protokoloaren berri eman ere. 


2017-11-28 | R eboluzioa
Tximeletaren Reboluzioa
MULTIMEDIA - bideo herrikoia

Azaroaren 25eko manifestazioaren ondoren Donostiako Alde Zaharrean ekitaldia egin zuten. Gizonezko bat kaleratu zuten uztailean Sortutik eta Donostiako Piraten mugimendutik. Emakume talde bat elkartu eta sarea osatu du egoerari aurre egiteko. Ekitaldian, gizon hark idatzitako mezuak eta erasotuen bizipenak irakurri zituzten.


Neomatxistak detektatzeko 10 esaldi

Oso ikastaro interesgarria egiten ari naiz Pikara Magazine-ren eskutik: "Generorik gabeko kazetaritza. Feminista, intersekzionala, ziztatzailea eta urratzailea". Ikastaroan landu dugun artikulu bat itzultzea erabaki dut, Marta Güelfo Marquez psikologoak La Replican argitaratutakoa.


2017-09-08 | Nora Barroso
Ekintza bilakatzen diren presentziak

Gaur ere martxoaren 8a da. Duela 6 hilabete, Guatemalan 43 emakumeri bizitza lapurtu zioten. Eta ez, ez zen sua izan, Guatemalako Estatuaren eta botere judizialaren utzikerien ondorioz, hil egin zituzten.


2017-08-23 | Xalba Ramirez
Bigarren bortxaketa bat salatu dute Azkoitiko festetan

Hilaren 19an izandako sexu erasoaz gain, 15ean Azkoitiko jaietan beste bortxaketa bat izan zela salatu du Sostenipe talde feministak.


2017-08-03 | Arabako Alea
Eraso matxisten aurkako seinaleak jarri dituzte Gasteizko sarrera nagusietan

Urte guztian izango dira Udalak paratutako seinaleak.


Txitximore: Gaue eta kalie guriek ditun!
MULTIMEDIA - bideo herrikoia

Aurten ere Azpeitiko jaietan izango da Txitximore, jai parekide eta parte hartzaileez gozatu eta eraso sexistei ezezko borobila emanaz.


2017-07-17 | Ordiziako Udala
Santana jai parekideen alde
MULTIMEDIA - bideo herrikoia

Ordiziako Udalak herriko festen harira egindako ikus-entzunezkoa, erasorik gabeko festa berdinzale, plural eta libre baten alde.


Azkenak
EGILEA
Eguneraketa berriak daude