Hiru hotel berrirentzat lizentziak eman ditu Donostiako Udalak, horietako bat Parte Zaharrean

  • Donostiako Udaleko Tokiko Gobernu Batzordeak hiru hotelek lanak egiteko behar dituzten baimenak onartu ditu astearte goizean, ARGIAk jakin duenez. Horien arteko bat Parte Zaharrean dago eta bi erdialdean.

Urgullen magalean dagoen Sanse Bay hotelak eraikinaren ondoko partean lanak eginez handitu nahi du jarduna.

2018ko martxoaren 13an - 13:15

Hauek dira hiru hotelak:

Mari kalean dagoen "Sanse Bay" Hotela. Dagoeneko irekia dagoen hotelaren ondoko eraikina egokitu nahi dute erabilera bera emateko, eta bi urteko epea eman diote lanak egiteko.

San Martin kalean, garai batean komentua zen. Orain bi urte hasi zituzten lanak eta komentua eraitsi zuten. Hala ere, geldituta egon dira lanak proiektuak hiriko ondasunaren babesteko planarekin talka egiten zuelako. Proiektu berri bat egin dute, eta lizentziaren helburua da: "Hotela jartzeko moduan eraberritzea eraikina".

Zubieta kaleko 26 zenbakian. Hotel Londresek erosi zuen eraikina eta hotela egiteko asmoa dute.


Kanal honetatik interesatuko zaizu: Turismo masiboa
25 lagunetara murriztuko dute turista taldeetako gehieneko pertsona kopurua Donostian

Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.


Lau donostiarretatik hiruk uste dute turismoak kalte “handia” egiten diela

Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.


Pisu turistikoak debekatu ditzakete bizilagunek, Espainiako Auzitegi Gorenak ebatzi duenez

Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.


Tasa turistikoa aplikatzeko lehen urratsak ematen ari da Jaurlaritza

Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.


Turistifikazioaren aurkako manifestazio jendetsua egin dute Donostian

Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.


Eguneraketa berriak daude