Hiru egunetan hiru ekologista hil dituzte Latinoamerikan

  • Urtarrilaren 15 eta 17 bitartean hiru ekologista hil dituzte Latinoamerikan: Isidro Baldenegro lider indigena Mexikon, Laura Vasquez ekologista Guatemalan eta Emilsen Manyoma ekintzailea Kolonbian. Hirurak pertsona ezagunak euren herrialdeetan, giza eskubideen eta naturaren defentsan aritzeagatik.

     

Iosu Alberdi Atxurra @atxurraa
2017ko urtarrilaren 24a
Laura Vasquez, Isidro Baldenegro eta Emilsen Manyoma ezkerrretik eskuinera.

Isidro Baldenegro urtarrilaren 15ean hil zuten. Chihuahuako tarahumaru komunitateko kidea zuhaitz mozketen eta indigenen lurraldearen defentsan aritu zen urte luzez. Lan horregatik  Goldman saria irabazi zuen 2005ean eta mundura zabaldu zuen Mexikoko indigenek bizi duten egoera gogorra: “Ez dituzte gure lurralde eskubideak onartzen, enpresariek nahi dutenean inbaditzen gaituzte eta gure bizitzak jarduera ilegaletan dabiltzanek kontrolatzen dituzte”. Baldenegrok askotan salatu zituen zurarekin lan egiten duten enpresarien eta narkotrafikatzaileen arteko itunak.

Urtebete baino gutxiagoan hiltzen duten bigarren Goldman sariduna da mexikarra. Bestea Berta Caceres hondurastarra izan zen 2016ko martxoan.

Urtarrilaren 16an hil zuten Laura Vasquez guatemalarrak zazpi hilabete igaro zituen kartzelan 2013an San Rafael de Las Floreseko Bizitzaren Defentsarako Batzordeko kide izateagatik eta San Rafaelen abiatutako meatze-proiektuaren aurrean erresistentzia baketsuan parte  hartzeagatik. Tahoe Resources enpresak aurrera jarraitu zuen meatzaritza lanekin gizartearen oposizio izan arren eta galdeketarik egin gabe. Vasquez aske utzi zuten egotzitako delituen frogarik ez zutelako.  Hau ez da, ordea, proiektu honen aurkakoen lehen hilketa, 2013an Xinca Exaltación Marcos Ucelo lider indigena hil zuten.

Emilsen Manyoma CONPAZ Komunitateak Lurraldeetan Bakea Eraikitzen taldeko liderra zen Buenaventuran eta FUNDECALIMA Calimako Garapenerako Fundazioko kidea. Kolonbiarra ezaguna zen herrialde osoan droga trafikatzaileei eta talde paramilitarrei aurka egiteagatik. Bere gorpua urtarrilaren 17an aurkitu zuten, bere senarrarenarekin batera. FARCen arabera, hiltzailea gerrillako desertore bat izan daiteke, Manyoma beraren anaia.

Urtero ehunka aktibista hiltzen dituzte. 2015ean hildakoen %40 indigenak izan ziren eta %66 Latinoamerikan hilak, Ekologistak Martxan taldeak adierazi duenez. Kasu gehienetan zigorgabetasuna da nagusi.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ekologismoa  |  Kolonbia  |  Guatemala  |  Mexiko  |  Ekologistak Martxan

Ekologismoa kanaletik interesatuko zaizu...
Eguzkik Aizkorri-Aratz Parke Naturalean lau pista eraikitzeko proiektuen inguruan kezka agertu du

Aizkorri-Aratz Parke Natural eta Kontserbazio Bereziko Eremuan (KBE), Zerain eta Oñati udalerrietan, Gipuzkoako Aldundia lau baso pista eraikitzeko proiektua tramitatzen ari da, bertako herri onurako mendi batean eta lursail pribatu batzuetan, hurrenez hurren. Natura 2000 Sarea eta EAEko Korridore Ekologikoen Sarearen baitan babestutako lurralde batean gertatzen ari da.


2018-07-17 | Euskal Irratiak
Larrun 2020 proiektuaz informazio gutti eta komunikazio eskasa salatu dute

Trenbideetako langileak eta Larrun ez hunki kolektiboko kideak Saran mobilizatu dira ostiral huntan elkarrekin salatzeko Diruaren erabilpen txarra, zerbitzu publikoaren galtzeak eta Larrun 2020 proiektuaren kontra.


2018-07-16 | ARGIA
Caceres garaile hil ondoren
Agua Zarca urtegi proiektua bertan behera utzi dute

Hondurasen, sikarioek tiroka hil eta bi urte beranduago irabazi du borroka Berta Caceres ekintzailek: FMO Holandako Garapenerako Bankuak eta FINNFUND Filandiako Industria Elkarlanerako Funtsak jakinarazi dute bertan behera utzi dutela Gualcarque ibaian eraikitzekoak ziren urtegia eta zentral elektrikoa. Horien kontrako borrokan aritzeagatik errepresaliaz hil zuten Caceres. 


2018-06-17 | Itxaro Borda
Berdea itsusi

Badira gure artean, euskaraz mintzo direnak barne, mapetako eremu berdeak haserrezko marra gorri doilorrez gurutzefikatzen dituztenak. Eraikitzekoak dituzte. Zakutik edo zorotik. Etxebizitza garestiak, sozialaz ez dira gehiago axolatzen, zentro komertzial erraldoiak, hiri bazterretan energiaz gose hamikatuak diren ausa-lekuak, ez dute besterik buruan. Arrabiatuak dira, gure lurraldeak erakargarri egiten dabiltza pentsio-funtsak eta inbestitzaileak tiratzea helburu.

Kanoiak eta zementua... [+]


2018-05-27 | Ander Perez
María Figols. Osasuna zimenduetan
"Bertan bizi direnak gaixotzen dituena, eraikin gaixoa da"

Laister hasiko da Agotzenea egitasmoa itxura hartzen: Ander Magallon eta Urtzi Arrieta  gazteek bultzatuta, ekohezkuntza zentru bat eraikiko dute Zubirin, Nafarroan. Bioeraikuntza ikastaroa eskainiko dute uda osoan, eta bertako ikasleek lagunduko dute eraikuntzan. María Figols (Zaragoza, Espainia, 1981) izango da ikastaro horretako formatzaileetako bat. Ez da alferrik arloko ahots kualifikatuenetako bat.


2018-05-25 | ARGIA
Leitzako trikuharri baten gainean ehiza-postu bat eraiki dutela salatu du Eguzkik

Nafarroako Gobernuari ehiza-postua eraistea, trikuharrian kalteak eragin dituen aztertzea eta azalpenak ematea eskatu diote.


2018-05-18 | ARGIA
Euskal Herriko I. Topaketa Ekologistak antolatu dituzte mugimendu ekologista berrantolatzeko

Mugimendu ekologista antolatu eta diskurtso bateratua osatzea, eta Alternatiben Herria ekimena babestea izango dira topaketaren helburuak. Maiatzaren 19 eta 20an izango dira Ziordiako Amaraunan.


2018-05-13 | Jabi Zabala
Bettina Cruz Velázquez. Lurraren defendatzaile indigena
"Iberdrola berdez mozorrotzen da"

Mexikoko Oaxacako Tehuantepec-eko istmoan sortu zen Bettina Cruz Velázquez (Juchitán de Zaragoza, 1962) eta han bizi da. Gaztetatik ibili da borroka sozial eta politikoetan engaiatua eta, egun, Indigenen Kongresu Nazionalak (CNI) aukeratutako Indigenen Gobernu Kontseiluko (CIG) gobernu organoaren batzarkidea da. Bere lurraldean enpresa handiak –tartean euskal enpresak– eraikitzen ari diren aerosorgailu parkeen aurkako mugimenduko buruetakoa dugu.


2018-04-12 | ARGIA
Mario Gabiria soziologo eta ekologista historikoa hil da

Apirilaren 7an hil da Zaragozan Mario Gabiria Labarta (Cortes, 1938) Nafarroako Erriberan sortutako soziologo eta ekologista ezaguna. Hego Euskal Herrian eta bereziki Nafarroan eragin handia eduki zuen batik bat 1970-1980 hamarkadetan.


Azkenak
EGILEA
Eguneraketa berriak daude