Ostegunean Austriako ekialdean, Hungariako mugatik gertu, 71 lagun aurkitu dituzte errepide bazterrean utzitako kamioi batean asfixiaz hilda. Gertakariarekin zerikusia dutelakoan ustezko hiru trafikatzaile ilegal atxilotu ditu Hungariako poliziak, Kronen Zeitung egunkari austriarrak aditzera eman duenez, eta beste lauren bila dabil.
Ostegunean zenbait komunikabideek 50 pertsona izan zitezkeela zabaldu bazuten ere ostiralean 70 hildakotik gora daudela baieztatu dute. Hilotzak oso egoera txarrean daudela ere esan dute.
Poliziaren arabera gorputzak egun eta erdi eta bi egun tartean zeramatzaten hilda, segurtasun kameren arabera kamioiak Hungaria eta Austria arteko muga asteazken goizean pasa baitzuen. Kamioi gidaria errumaniarra dela ere baieztatu du poliziak eta mafiako kide gehiago Errumanian egon daitezkela ere esan dute.
Kamioia oilaskoen negozioetan aritzen den Hyza enpresa eslovakiarrekoa da. 1949. urtetik oilasko produkzioan Europako enpresa handienetakoa da.
Azken asteetan trafikatzaile ilegalen kopurua biderkatzen ari da, eta 1.500 euro bitarte eskatzen ari dira Belgrado, Serbiako hiriburutik Austriarako bidea egiteagatik.
Ostegunean Austriako barne ministroak esan du “egun iluna” dela eta trafikatzaile ilegalekin “tolerantzia zero” edukiko dutela.
Protestak Austrian
Refugee Welcome taldeak protestak egin ditu Austrian Europar Batasunak immigrazioaren aferan jokatzen ari den papera salatzeko eta hildako lagunei elkartasuna adierazteko.
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]
Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]