Hileta-martxa Iruñean eskubide sozialen alde

  • Iruñerriko Langabetuen Kolektiboak hileta-martxa antolatu du azaroaren 1ean -Santu Guztien egunean- 13:00etan Merkaderes kaletik abiatuta. Herritar askok bizi duten pobrezia egoera eta Espainia eta Nafarroako gobernuen murrizketa politikak salatzeko asmoz egin dute deialdia.


2013ko urriaren 30an - 00:00
Azken eguneraketa: 2015-02-26 13:37:33
Iazko hileta-martxaren argazkia.

Instituzioetatik etorritako azken mezuek krisiaren amaiera iragarri arren, Iruñerriko Langabetuen Asanbladaren arabera herritarrek azken urteetan “artazi politika, langabezia eta pobrezia” gordinena pairatu dute. Horrek guztiak, eskubide sozialen galera ikaragarria ekarri duela azpimarratu dute.

“Oinarrizko errenta, diru-laguntza sozialak, etxebizitza eta lanerako eskubidea, menpekotasun arloko laguntzak… kendu dizkigute. Nola biziko gara eskubide sozial horiek gabe?” galdetu dute.

Kolektiboan bildutako lagunek kaleko borroka eta mobilizazioak beharrezko ikusten dituzte galdutako eskubideak berreskuratzeko. Bestalde, Oinarrizko Eskubide Sozialen Gutunaren aldeko apustua egiten dute,  “lana eta aberastasunaren banaketa ahalbidetu eta zerbitzu sozial duinak jaso ahal izatea” ekarriko dituelako.

Ildo horretan antolatu du Iruñerriko Langabetuen Kolektiboak Merkaderes kaletik hasi eta Alde Zaharrean barna ibiliko den hileta-martxa, galdutako eskubide sozialei dolua adierazi eta omenaldia egiteko.


Kanal honetatik interesatuko zaizu: Langabezia
2023-09-07 | Euskal Irratiak
Inflazioa izanik ere, langabezia nabarmen beheititu da Ipar Euskal Herrian

Langabezia nehoiz baino apalago da Iparraldean, baina inflazioa beti traba izaten segitzen du ekonomian. 2023ko lehen sei hilabetetako tendentzien berri eman du Baionako Merkataritza eta Industria Ganberak. 210 enpresabururen sentipena bildu dute inkesta batean. Heren batek... [+]


Emakumeen artean aldizkako lan kontratuen %65 eten egin da maiatzetik hona

LABek salatu du Espainiako Estatuko lan erreforma onartu zenetik aldizkako lan kontratua dela emakumeen artean nagusi.


2023-08-23 | Ilargi Manzanares
ESK sindikatuak Tubos Reunidos enpresako lan-erregulazio espedientearen "iruzurra" salatu du

Enpresak ABEE bat aplikatzen du, soldata murrizketak, plantillaren langabeziaren kontsumoa eta gastu publikoen igoera dakarrena, nahiz eta irabazi errekorrak izan. Gainera, malgutasuna handitzeko, plantillari "xantaia" egiten diola adierazi du sindikatuak prentsa... [+]


2023-02-14 | Gedar
Biztanleria ez-aktiboa inoiz baino handiagoa da Espainiako Estatuan: 16,7 milioi pertsona

Haurrak eta adinekoak zaintzeagatik lana utzi behar izan duten pertsonen kopurua %42 hazi da Espainiako Estatuan, eta horrek biztanleria ez-aktiboaren igoeraren erdia eragin du. Lanik egiten ez zuten pertsonak ia landunak bezainbeste ziren 2022ko azken hiruhilekoan.


Langabeziak gora egin du Hego Euskal Herrian, batez ere emakumeen artean

144.903 langabe gehiago daude Hego Euskal Herrian, horien artan %60 emakumeak. 


Eguneraketa berriak daude