Kataluniako hiriburuko Rambla etorbidean ezezagun batek furgoneta batekin harrapatu ditu bertan zeuden herritarrak, hildako eta zauritu ugari eraginez. Atentatu terrorista gisa hartu dute gertaera eta gutxienez atxilotu bat legoke.
Ostegun arratsalde partean, furgoneta bat jendez beteta zegoen Rambla etorbidean sartu da eta dozenaka lagun harrapatu du, sare sozialetan zabaldu dituzten irudiak aintzat hartuz hildako ugari izan daitezke, gutxienez hamabi, hedabide batzuen arabera. Nolanahi ere Joaquim Forn Generalitateko Barne kontseilariak hildako bakarra konfirmatu du, baina zihurtatu du zaurituen larritasuna ikusirik gehiago izango direla.
Esquadra Mossoek "atentatu terrorista" izan dela onartu dute baina ez dute datu gehiago eman erasoaren arrazoi eta jatorriari buruz.
Eusko Jaurlaritza izan da atentatu "jihadista" izan dela esaten lehenetakoa, biktimenganako elkartasuna adierazteko bidalitako txioan:
⚫️ Atentatua #Bartzelona-n: Terrorismo jihadistaren ankerkeriaren aurrean, berriz ere, gaitzespen erabatekoa adierazi nahi dugu pic.twitter.com/JcaHYCxAjV
— Eusko Jaurlaritza (@Gob_eus) 2017(e)ko abuztuak 17
Arratsaldean oraindik ezezagun baten edo biren bila zebilen polizia, La Vanguardia egunkariak azaldu duenez baliteke horietako bat Bartzelonako lokal batean ezkutatuta egon izana. Mossoek emandako ondorengo informazioen arabera, ordea, arratsalde amaieran gutxienez pertsona bat izango luke atxilotuta.
Hiriko erdigune guztia erabat isolatuta egon da arratsalde osoan zehar eta komertzio guztiak itxiarazi dituzte. Erasotzaileak ihes egiteko erabiliko luketen beste furgoneta bat ere atzeman dute Vic hirian, Bartzelonatik 60 kilometrora..
Carles Puigdemont Kataluniako Generalitateko presidenteak eta Ada Colau Bartzelonako alkateak euren oporraldia eten eta hiriburuan dira jadanik. Larrialdi gabinetea osatu dute eta Espainiako Estatuko arduradun politiko eta polizialekin harremanetan dira.
Jose Manuel Villarejo espainiar polizia ohiak adierazi ostean Espainiako inteligentzia zerbitzuek 2017ko atentatuak gerta zitezen utzi zutela, Kataluniako Gobernuak zer gertatu zen ikertzeko exijituko dio Espainiako Gobernuari. Halakorik egin ezean, auzia nazioarteko... [+]
Público egunkariak hori frogatzen duten dokumentuak argitaratu ditu. Dokumentuen arabera, poliziak zelatatuak zituen atentatuak burutu zituzten gazteak, eta horien ustezko buru Abdelbaki es Satty Espainiako zerbitzu sekretuen (CNI) isil-mandataria zen.
Bartzelonako Udaleko Immigrazio, Kultura Aniztasun eta Dibertsitate zinegotzia da Lola Lopez (Galizia, 1957) antropologoa. Bizikidetzaren alde eta islamofobiaren kontra ibilbide luzea egin du Kataluniako hiriburuan, eta aurretik Kataluniako Ikus-entzuneko Kontseiluan (CAC) eta... [+]
Kataluniako erasoen ostean, batasun abstrakturako eta –inork ezagutzen ez dituen– Mendebaldeko baloreen defentsarako deiek estali nahi izan dute jihadismo globalari buruzko eztabaida. Sakoneko azterketa saihestu nahian, testuingururik gabeko kontakizun apolitiko eta... [+]
Freddy Mercury eta Montserrat Caballé irudikatu ditut abuztuaren 17ko gauaren minean, Rambla gainetan eta Cambrilsko itsasertzean, No tinc por bi bozetan kantatzen. Mina hazi zait bihotzaren sakonean: masa hilketen zerrenda emendatzen ari da, Parisko Charlie Hebdo-ren... [+]