Hil egin da oihal bat jartzen ari zela Iturenen istripua izan zuen langilea
Pasa den ostiralean izan zuen istripua Eneko Rekarte Oteiza 44 urteko langileak. Eraikin bateko balkoian eguzki oihal bat jartzen ari zela, erori eta buruan kolpea hartu zuen. Donamariakoa zen.
Foruzaingoak zabaldutako irudia.
Goizeko 11:15 aldera izan zuen istripua. Berehala eraman zuten Nafarroako Unibertsitate Ospitalera, larri, eta igandean hil zen.
Donamariako Udalean zinegotzia izana zen Rekarte.