Hezkuntza publikoko langileek kaleak hartuko dituzte

  • Irakasleak, hezkuntza bereziko hezitzaileak, sukaldariak, garbitzaileak eta Haurreskola Partzuergoa: hezkuntza publikoko langileak grebara deitu dituzte EAEn, abenduaren 12an. Aldarria, "lan baldintzak hobetu, hezkuntza eraiki!". Nafarroako hezkuntza komunitatea ere deituta dago, Iruñean egingo den giza katera.


2017ko abenduaren 11n - 09:21

Eusko Jaurlaritzako Hezkuntza sailarekin dituzten negoziaketek aurrera egiten ez dutela-eta, sindikatuek presio egiten jarraitu nahi dute kalean. Krisiaren aitzakian administrazioak “murrizketak betikotu” nahi dituela salatzen dute, eta eskaera zehatzak egin dituzte ELA, LAB eta STEILASek: hala nola, hezkuntza inbertsioa gutxienez Europar Batasuneko batez bestekora handitzea; ia %40ko behin-behinekotasuna %6ra murriztea; gutxienez 2.000 langile gehiago hartzea; gelako ikasle kopurua %10era jaistea eta ordezkapenak lehen egunetik egitea.

Mobilizazioz mobilizazio

Uda aurreko mobilizazioei indartsu eman diete jarraipena udazkenean ere. Irailetik, elkarretaratzeak, salaketa egunak, itxialdiak, borroka asteak eta sektorekako greba egunak egin dituzte. Abenduaren 12an, sektore guztiek elkarrekin egingo dute greba, eta manifestazioak izango dira Bilbo, Donostia eta Gasteizen, eguerdiko 12etan abiatuta.

Eta Nafarroan, giza katea

“Zazpi urte pasa badira ere, oraindik ez dira leheneratu UPNk Nafarroako hezkuntza publikoan ezarritako murrizketa basatiak. Bada garaia hezkuntza komunitatearen beharrak kontuan hartzeko”, gaineratu dute ELA, LAB eta STEILASek. Hezkuntzan murrizketarik gabeko aurrekontuak aldarrikatzeko, giza katea deitu dute egun bererako, Iruñean. Hezkuntza komunitateari egin diote dei, abenduaren 12an arratsaldeko 18:00etan Hezkuntza Departamentua eta Nafarroako Gobernua lotuko dituen giza kate ahalik eta jendetsuena osatzeko. Kamiseta eta pankartekin hurbiltzera animatu dute jendea, aldarrikapena aberatsagoa izan dadin.


Kanal honetatik interesatuko zaizu: Euskal eskola publikoa
Nerea Zubia Blazquez
"Erraz diogu ikastetxeen arteko lehia gainditu behar dela, baina errealitatean ez da hain sinplea"

Hezkuntza eskumenak deszentralizatu eta tokian tokiko eragileek erabakimen handiagoa izatea: aspaldiko aldarrikapena praktikara ekartzen ari dira herri ugaritan, eta bide horretan aholkulari dabil Elhuyar. Uneotan hamar bat prozesutan buru-belarri dabiltzala eta eskaera gero eta... [+]


Hezkuntza Legea ahulduta iritsi da azken txanpara

Legegintzaldi honetan bertan onartu nahi duten EAEko Hezkuntza Lege proiektuari zuzenketak aurkezteko epea astearte honetan amaitu da. Lege akordioa sinatu zuten alderdietako bat jausi da dagoeneko, barruan jarraitzen dutenen artean desadostasun nabarmenak dituzte eta hezkuntza... [+]


BeAtarrak: eskola publikoetako berrikuntza irauli nahi duen ereduak hasiera kaotikoa izan du

EAEko ikastetxe publikoei berrikuntza eta aholkularitza zerbitzua ematen zieten Berritzeguneak murriztu eta eskoletan postu berria sortu du Jaurlaritzak: BeAtarra. Ikastetxe bakoitzean gutxienez bat, berrikuntzaz arduratzen dena. Estreinaldi nahasiaz eta eredu aldaketaren... [+]


2023-07-09 | Tere Maldonado
Plantak egin

Ingurumaririk gabe, buru-belarri sartuko naiz harira: eskola publikoaren aldekoak oso atseginak izaten ari gara gauza batzuk eztabaidatzean. Serio, itunpeko ikastetxeekin gertatzen ari dena onartezina da. Zehaztasun eta zintzotasun osoz ahalegintzen ari gara argudiatzen, iritzi... [+]


Euskal Eskola Publikoaz Harrok manifestazioak antolatu ditu EAEko Hezkuntza Lege Aurreproiektuaren aurka

Ikasturte hasieran salatu bezala, Hezkuntza Lege Aurreproiektuak euskal eskola publikoa sendotu ordez ahuldu egiten duela adierazi du Euskal Eskola Publikoaz Harro Topaguneak. Haien ustez, publiko-pribatu sistema duala betikotzen du, ez du eskola publikoa lehenesten, ikastetxeak... [+]


Eguneraketa berriak daude