Hezkuntza "apolitikoa" aldarrikatu dute hainbat gurasok, UPNko, PPNko, PSNko eta Ciudadanoseko politikariekin
Euskarazko bi haur eskola berrien aurka azaldu dira Iruñean hainbat herritar eta politikari, Hezkuntza apolitiko baten alde. Denok sartzen gara lelopean.
UPNko Enrique Maya, Sanchez de Muniain eta Iñigo Alli, PSNko Maite Esporrin eta Gimeno Gurpegi, PPko Javier Garcia eta Ciudadanoseko Ramon Romero. Horiek dira hainbat gurasorekin batera ostegunean Udaletxe Plazan bildutako politikariak. Xedea: protesta egitea haur eskolen auziari lotuta.
Bi haur eskolen hizkuntza aldaketari dagokion auzian, "zirrikitu legalak" bilatzeari utz diezaioten "exijitu" diote Iruñeko Udalari, "ziurgabetasuna" handitu baino ez baitu egin familia eta hezitzaileen artean, protesta egileen hitzetan.
Epaitegietan dago orain Donibane eta Printzearen Harresi haur eskolen eredu aldaketa, baina elkarretaratzea egin duten gurasoek badute haien epaia: "Prozesua geratu egin behar da, eta 2016ko otsailaren 22ko egoerara bueltatu".
"Legeak dio lekualdatze eta aurrematrikula epea ireki behar dituztela berriz, lehengo moldearekin", adierazi dute. Era berean, udalari leporatu diote gatazka sortzea: "Ez ditzala gaztelaniazko eta euskarazko familiak elkarren aurka jarri".
(Albiste hau Euskalerria Irratiak argitaratu du eta CC-by-sa lizentzia baliatuta ARGIAra ekarri dugu)
Ramadana bukatzear zela sortu zen zalantza irakasleen artean: familia musulmana duten ikasle batzuek adierazia zuten, ramadanaren amaieraren ospakizuna zela eta, ez zirela egun horretan joanen gelara. Ekintza horren bidez –aipatu zuen irakasle batek– argi gelditzen... [+]
EHUko Gobernu Kontseiluak adierazpena onartu du, Palestinaren alde eta Gazako sarraskiaren aurrean. Hainbat konpromiso hartu ditu, besteak beste, boluntariotza programa bat martxan jartzea, errefuxiatuen arreta zabaltzea eta giza eskubideen inguruko gogoeta sustatzea. Harreman... [+]
Neskek gaitasun matematiko eta zientifikoekiko txikitatik duten pertzepzio, autopertzepzio eta bizipenen eraginez, zientzia arloko ikasketei muzin egin eta bestelako karrerak aukeratzen dituzte. Hala dio ikerketa berri batek.
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Hirugarren urtez Xiberoako ikastolei bultzada emanen die Tulalaika bestak.