Espainiako Gobernuak Barne Ministerioari eskatu dio herritarren segurtasunerako legeak aurreikusten dituen isunak leuntzeko, Eldiario.es agerkariak jakinarazi duenez.
Jorge Fernandez buru duen Ministerioak gaur eramango du proposamena gobernu bilerara, eta litekeena da bertatik testu berria –"leunagoa"– ateratzea.
Zirriborroak isun txikiagoak jasoko lituzke. Arau-hauste zerrenda, ordea, bere horretan mantenduko litzateke.
Delitu "oso larri" bezala sailkatutako batzuk delitu "larri" gisa hartuko lirateke, eta isun txikiagoak jasoko lituzkete. Esaterako, instituzioen aurrean baimenik gabeko elkarretaratzea egiteak ez luke 30.001 eta 600.000 euro arteko isuna jasoko, 1.001 eta 30.000 euro artekoa baizik.
Era berean, delitu "larri" batzuk delitu "arin" gisa hartuko dituzte. Hala, segurtasun indarretako kideak “iraintzeak”, adibidez, ez du 1.001 eta 30.000 euro arteko isuna jasoko, 1.001 euroz azpikoa baizik.
Pedro Agueda kazetariak dioenez, zirriborroa Ministroen Kontseilutik pasa ostean –ostiralean–, eta parlamentuko tramiteak abiatu baino lehen, Barne sailburua sindikatu polizialekin bilduko da berriro. "Zigorrak murrizteak, poliziak "babestera" bideratutako neurriei dagokienean, sutea piztu dezake Barne Ministerioan, eta, zehazki, Polizia Nazionalean", dio Aguedak.
Informazio gehiago:
Zer zigortu nahi du Espainiak lege berriaren bidez? (2013-11-21)
2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.
Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]
Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]