Preso-iheslarien itzulera eta herritarren parte hartzea izango dituzte ardatz Foro Sozialaren jardunaldiek
Bake prozesua bultzatzeko Foro Sozialak antolatuta, bi lan-saio egingo dira datozen egunetan: hilaren 20an herritarren parte-hartzea izango dute eztabaidagai Iruñeko Baluarten, eta 21ean preso eta iheslarien itzultzeaz arituko dira Bilboko Euskalduna Jauregian.
Iruñean herritarren parte hartzeaz
Honakoak izango dira Hiri Buruzagian bilduko diren adituak: Alberto Spektorowski “Israel-Palestine Civil Society Comittee for Cease Fire” taldeko kidea, Kristian Herbolzheimer "Conciliation Resources"-eko kidea, Theodore Murphy "Berghof Foundation"-eko bitartekaria Ekialde Hurbilean, Mirentxu Purroy kazetaria, Floren Aoiz Iratzar Fundazioko zuzendaria, Mikel Armendariz abokatua eta Francisco Javier Eneriz Nafarroako Arartekoa.
"Herritarren inplikazioa erraztuko duten eta bizikidetza eraikitzeko lanean gizartearen protagonismoa indartuko duten hainbat esperientzia eta tresna ezagutzea da lan-saio honen helburua", Foro Sozialaren hitzetan. "Aldi berean, eta modu zehatzago batean, bake prozesuan Nafarroako herritarren parte-hartzearen gaiari helduko zaio".
Bilbon preso eta iheslarien itzuleraz
Bizkaiko hiriburuko hitzorduari dagokionez, honakoak elkartuko ditu: Brian Currin Egiaren eta Berradiskidetzearen Batzordearen eraketan parte hartu zuen abokatua, Iñaki Lasagabaster Zuzenbidean lizentziatua Deustuko Unibertsitatean, José Antonio Martín Pallín Espainiako Auzitegi Goreneko Zigor Salako magistratu emeritua, Seanna Walsh IRAko kide ohia, Juan Mari Olano Amnistiaren Aldeko Mugimenduko bozeramaile ohia, Rafa Sainz de Rozas abokatua, Daniel Holder Justizia Administrazioari buruzko Batzordeko presidenteordea, Jon Mirena Landa Zuzenbide Penaleko Irakasle Titularra EHUn eta Francisco Javier Mira Valentziako Unibertsitateko Zuzenbide Penaleko Irakasle Titularra.
"Foroaren lan-saio hau 2013ko maiatzean aurkeztutako gomendioen ataletako baten edukietan sakontzera bideratuko da: preso eta iheslarien itzultzea. Hain zuzen ere, duela urtebete proposatutako ideiak zehazteko eztabaida zabalduko da, modu horretan konponbide berriak definitzeko".
Lan-saioetara joatekotan ezinbestekoa da izena ematea Internetez edo 902 42 10 10 telefonora deituz.
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Xabier Atristain eta Juan Manuel Inziarte euskal presoak Martuteneko espetxera itzuli ziren joan den martxoaren 13an, Auzitegi Nazionaleko Espetxe Zaintzak haien hirugarren graduei fiskaltzak jarritako helegitea onartu ondoren.
Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.
Etxera bidea gertu lelopean manifestazio bateratua egingo dute Sarek eta Bake Bidea-Bakegileek, pandemiagatik bi urtez mobilizazio jendetsu hori egin gabe egon ostean. “Duintasuna eta bizikidetza lortzeko itxaropena” ere izango dituzte aldarri, euskal presoen... [+]