Herri unibertsitate nazionala

  • Bueltan da aurtengoan ere Herri Unibertsitate Nazionala. Jadanik, bost urte igaro dira Herri Uniaren proiektuari ekin geniola Euskal Herriko hainbat kanpusetan. Leioako kanpusean hasi eta zenbait Hego Euskal Herriko kanpusetara zabalduaz, hezkuntza eredu propioa eraikitzea helburu duen proiektu hau. 

Herri Unibertsitatea @HUnibertsitatea
2018ko martxoaren 06a

Kanpus bakoitzeko Ikasle Mugimendua buru belarri aritzen da lanean, urte osoan zehar ematen diren eztabaidak, sortzen diren kezkak edo sortzen dugun jakintza egun hauetan zehar plazaratzeko. Bizi eredu berri bat eraiki nahi dugu eta jakintza esparrutik gure ekarpena egiten diogu horri. Gure jakintza eta eztabaidak harreman sozial berriak eraikitzera begira garatzen ditugularik.

Iaz, aurrerapauso handi bat eman genuen, San Mameseko fakultatean Herri Uni nazionala burutuaz. Euskal Herriko txoko ezberdinetako ikasleria elkartu ginen bertan, eztabaida bateratuak eta elkar harremantze bat eman genezan. San Mameseko zuzendaritzak gure aurkako jarrera hartu zuen ordea, indar polizialak bidali zituelarik gu kanporatzera. Hala ere, aurten ere Ikasleok, zapalduon interesak defendatuko dituen hezkuntza eredua eraikitzeko konpromisoan berresten gara.  Beharrezkoa ikusten dugu gaur egungo hezkuntza ereduaren eta Euskal Herriko unibertsitate guztien izaera klasista azaleratzea, eta horregatik dugu beharrezkoa gure hezkuntza propioa eraikitzea.

Aurten, inoiz baino biziago gatoz. 2 eguneko egitaraua osatu dugu. Jorratuko ditugun gaiek helburu zehatzak izango dituzte, ezkutatua ageri zaigun errealitatea ezagutzeko tresnak geureganatzen joatea, Euskal Herrian eztabaida gai ditugun edukiak mahai gaineratzea eta harreman sozial berriak eraikitzerako garaian beharrezko zaizkigun jakintzetan sakontzea. Besteak beste, mintzagai izango ditugun gaiak hauek izango dira, kontrakomunikazioa, genero zapalkuntzaren bilakaera, Langile Boterearen eraikuntza, Kataluniako testuingurua, Italiako mugimendu autonomoa, margoketa tailerra, software librea…  eduki hauek bost bloketan banatuko ditugu.

Martxoaren 14 eta 15an beraz, Herri Unibertsitate Nazionala burutuko dugu Ibaetan, Donostiako kanpusean. Bi egun horietan zehar, hainbat eztabaida izango dira. Bloke horiez gain, gauean kantu afari, ekitaldi eta hainbat tailerrekin amaituko dugu eguna. Herri Unibertsitateari amaiera emateko berriz, martxoaren 15ean mobilizazio bat burutuko dugu, eguerdiko 13:30ean Ibaetatik abiatuko dena. Manifestazioa, “Hau ez da gure hezkuntza, Herri Unia eraiki!” lemapean egingo dugu, gaur egungo hezkuntza ereduak gure interesak ez dituela defendatzen aldarrikatu nahi baitugu. Beharrezkoa ikusten dugu gaur egungo hezkuntza ereduari merkatuak baldintzatuko ez duen hezkuntza kontrajartzea, horra hor geure bidea, Herri Unibertsitatea.

Hau horrela, Herri Unibertsitate Nazionalean parte hartzeko deia egitea besterik ez zaigu geratzen. Guztion parte hartzea eta inplikazioa ezinbestekoa baita, gure hezkuntza propioa eraikitze bidean. Beraz, zita garrantzitsua dugu martxoak 14 eta 15ean Ibaetan, guztiok baitugu zer esana eta zer egina proiektu honen baitan.

Kanal hauetan artxibatua: Iritzia  |  Herri Unibertsitatea

Iritzia kanaletik interesatuko zaizu...
2018-06-24 | Jon Torner Zabala
Umorea eta botere harremanak
Irriak norabide berean kolpatzen duenean beti...

Zer da umorea? Galdera inuzentea dirudiena korapilatu daiteke nahi bezainbeste. Zergatik egiten dugu barre gauza batzuen inguruan eta besteez ez? Natural ateratzen zaigu irria, ala zer eta noren gainean barre egin irakatsi egin digute?

Umoreak ia beti egiten baitu boterearen alde, goitik behera maiz. Nor den subjektua eta nor objektua. Nork nori. Horra gakoetako bat. Generoa, arraza, identitatea, naziotasuna… umoreak ditu hierarkiak markatzen. Naziotasun-identitateari heldu diogu... [+]


Ilusioak, utopiak

Utopikoa nintzelako, selektibitatearen aurka nengoen 1982. urtean azterketa hura egitea egokitu zitzaidanean. Orduan ere Unibertsitatera joateko ezinbesteko baldintza zela uste dut, baina ez dut ondo gogoratzen zertarako. Izan ere, garai hartan numerus clausus zer zen ere ez nekien –edo ez nuen jakin–, eta kazetaritza ikastera ehunka sartu ginen lehenengo mailan, bostehun edo. Horietatik hamabost “euskal taldea” deitzen genuen separata batean: ikasgai batzuetan... [+]


2018-06-24 | June Fernandez
Indarkeria birtualak

Ez naiz psikologian aditua, baina badakit bidegabekeriak eta biolentzia normalizatzea norbanakoaren babes mekanismo bat dela. Ezkertiarrak eta konprometituak izan gaitezke, hala ere, indarkeriaren bat normalizatzeko “beharra” izango dugu. Gaza, Nikaragua, ez ahaztu Siria. Altsasuko gazteak, Valtonic, La Manada, Helena Maleno, Proactiva Open Arms, Mame Mbaye, Huelvan marrubiak biltzen dituzten langileak. María del Sol Cruz Jarquín argazkilaria hil dute Mexikon... [+]


2018-06-24 | Ainhoa Azurmendi
Norberaren kirol lorpenetan familia agertzea

Orain bizpahiru urte Kilian Jorneten biografia irakurtzen ari nintzela, memento batean bere gorputza muga eta muturreraino eraman zuen proba batean, amore ematear zegoela, bere barne-pentsamenduak azaltzen zituen: “Amaitu behar dut, nire familiagatik” –helmugan zain zeuden–. Nire lehen hausnarketa: “Baina familiak zer eskatu dizu ba? Norena da behar hori? Zer da zehazki demostratu behar dena?”. Zer pentsarazi eman zidaten hitz haiek. Norbere kirol lorpenetan... [+]


Errepresioaren dimentsio neurtezinak

Notre-Dame-des-Landesko ZADen, jendarmeen eta ekintzaileen arteko istiluetan, gazte batek eskua galdu zuen. Anputatua, guztiz, poliziak legalki erabiltzen duen granada batek lehertua. Burura etorri zitzaidan zeinen zaila izan daiteken erantzukizuna bere tokian kokatu eta mantentzea: zer egiten nuen nik istilu haietan, jakin behar nuen non sartzen nintzen, ez nuen arriskua ondo neurtu.

Iruñeko istiluetan iaz atxilotutako Oreretako gazteek gauza bera pentsa dezakete. Are zamatsuagoa... [+]


2018-06-24 | Karmelo Landa
Ekaineko hamaika egun edo politikaren zingoa

Itsaskirria nabarmendu da politikaren eremuan ekaineko lehen hamaika egunetan, ohikoa baino aldakorrago jo duten haize boladen eraginez, baina ur sakonetan murgildurik, zaila eta nekosoa da politikagintzaren ur abisaletan gertatzen ari diren mugimenduak ezagutzea eta neurtzea. Nekosoa bezain beharrezkoa.

Ekainaren hasierarekin batera gertatu zen lehen ustekabea: garaile atera zen zentsura mozioa, eta ondorioz, Mariano Rajoy eta PP Espainiako Gobernutik egotziak izan ziren, azkenean. Inork ez... [+]


Fauna publikoa
Erregimenaren tenperatura

Kaleko mobilizazioak zerbaiten termometro badira, UPNren tenperaturak baxu xamar egon behar du, berri txarrak jasotzen ari baita azkenaldian: asteburuan milaka lagun elkartu dira Iruñean Altsasuko gazteen aurkako sententzia arbuiatzeko eta muntaia polizial-mediatiko-judiziala salatzeko. Beste sententzia batek, 2016ko Sanferminetako talde bortxaketaren kasukoak, milaka lagun atera zituen Iruñeko kaleetara aurtengo apirilean eta haserrea metropoli foraletik askoz harago sumatu zen.


2018-06-18 | Jean Louis Davant
Demagogiari ezetz

Behin, badu jada builta bat, ahatzerik düt noiz ote xüxen, urteak hain zalhe beitoatza, Donapaleuko klinikan nor gure aldiaren haidürü ginaudelarik barber baten bortan, ene adintsüko jente batekin elerran nüan. Gaztaroan denbora batez Amerikako Estatü Batüetan egonik zen. Laster, ez dakit zer gisaz, etorkinen aipatzera jin ginen, eta haiez gaizki erraiten hasi zeitan.


Altzako egoera urbanistikoa, eraikuntza berri bat

Azken hilabete honetan jakin dugu Donostiako Udalak Uliako Viveros-eko eremuan etxebizitzak eraikitzeari uko egin diola eta bizilagunen elkarteak hiri-parkea bezala sailkatua izan dadin eskatzen duela. Uliako herritarrak zoriondu besterik ezin dugu egin aipatu eremua babestea lortu dutelako. Eta guk inork baino hobeto dakigu zein zaila den hori, azken batean Altzan 18 urte daramatzagulako Auditz-Akular eremuan parkea egin dadin eskatzen eta oraindik ez dugu lortu.


Azkenak
EGILEA
Eguneraketa berriak daude