Herri kontsultak ekainean Bretainiako lurraldeak batzeari buruz

  • Ekainean Bretainiako zortzi herrietan egingo dituzte herri galdeketak. 17.000 pertsona baino gehiago daude bozkatzera deituak eta lehen aldiz, Bretainiako bost eskualdetan egingo da galdeketa: Bretainia ofiziala osatzen duten lauetan eta Loire-Atlantiquen.


2015eko maiatzaren 13an - 10:40
Orain arte Bretainian egindako kontsultetako baten irudia. (Argazkia: Dibab).

Zortzi herritan egingo da galdeketa: zazpik ekainaren 7an bozkatuko dute eta besteak ekainaren 14ean.

2014an hasi zen Dibab plataforma gaiaren inguruko galdeketak egiten herrietan. Orain arteko hiru kontsultetan, erroldaren %15 eta %20 arteko parte-hartzea egon da. Lurraldeen bateratzearen aldeko bozak %75 eta %80 artean egon dira.

Bigarren galdera bat ere egin izan da kontsultetan Bretainiako Biltzarra eratzeari buruz eta Bretainia bateratzearen alde bozkatu dutenen gehiengoak baiezkoa eman dio horri ere. Instituzio horrek lurralde kontseiluen eta kontseilu orokorren konpetentziak izango lituzke.

Galdeketen bultzatzaileek adierazi dutenez, “Bretainiaren etorkizun hobeagoaren inguruko debatea sortzea da asmoa, jendearengandik gertuagokoa eta demokratikoagoa izango dena”. Nationalia atariak jaso duenaren arabera, 2014an Frantziako Biltzar Nazionalak ez zituen Bretainiako muga administratiboak aldatu Frantziako lurralde maparen erreforma egitean. Dibab mugimenduak bretainiar lurraldeen bateratzea eskatzen zuen erreforma horren bitartez. Azaldu dutenaren arabera, “Frantziako Gobernuak herritarrei galdetu ez zienez, guk egingo dugu”.


Kanal honetatik interesatuko zaizu: Bretainia
2023-08-16 | Euskal Irratiak
Bretainiako herritarren %8a besterik ez da mintzo bretoieraz

220.000 biztanlek erregularki erabiltzen dute bretaindar hizkuntza. Emaitza aski arranguragarria, jakinez Bretaina historikoan 4 milioi biztanle badirela. Hori da bretaindarraren egoera gaur egun.


Aktibistak kriminalizatzea da justiziaren jolas berria Europan, galdetu Vincenzo Vecchiri

Inork oraindik Vincenzo Vecchi zein den ez badaki, has dadila bere izena ikasten. Ez da mende hasierako anti-globalizazio manifestazioetan ibilitako aktibista soila. Hamabi urtetik hona Bretainian aterpetua, italiar justiziak estraditatu egin nahi du Mussoliniren garaiko lege... [+]


2022-05-19 | Leire Artola Arin
Gaur hasiko da Bretainiako Korrika Ar Redadeg

Maiatzaren 20an hasita, 2.022 kilometro egingo dituzte Bretainian, Gwitreg herritik Gwened herriraino. Oarsoaldeako AEK-k antolatuta, ordezkaritza bat joango da hara atxikimendua ematera.


Nantes Revoltée hedabide independentea desegin nahi du Frantziako Gobernuak

Hamar urte daramatza Nantes Revoltéek informatzen, baina urtarrilean hedabidearen disoluzio prozedura abiatu du Frantziako Gobernuak. Nantes Revoltéek salatu du beren aurkako prozedurak hedabide independente oro eta informazio eskubidea mehatxatzen dituela.


Iberdrolaren ontzi batek 16 kilometroko hidrokarburo isuria eragin du Bretainiako kostan

Aeolus ontziak astelehenean eman zuen isuriaren abisua. Konpondu artean, gertaturikoa ikertzen ari da fiskaltza.


Eguneraketa berriak daude