Ipar Euskal Herrirako instituzioa

Herri Elkargoaren egitasmoak aitzina

  • Herri Elkargoaren aurkakoak bi aldiz saiatu dira egitasmoa oztopatzen maiatzaz geroztik. Alta, helegite administratibo biek huts egin dute. Bigarrena Lukuzeko auzapeza Barthélemy Aguerreren izenean jarri dute. Ez dute amore emateko asmorik, hirugarrena jarriko dutela iragarri baitute.

Mikel Asurmendi @masurmendi
2016ko urriak 04
Euskal Konfederazioak eta Baterak iaz Baionan deitu zuen 7. Deiadar manifestazioaren lekukotasuna.

Paueko Administrazio Auzitegiak gibelera bota du Elkargo bakarraren aurkako epai eskakizuna. Elkargoaren aurka daudenek “neurrigabe eta teknokratikotzat” jo dute Elkargoaren egitura. Barthélemy Aguerre hautetsiarentzat “munstro administratiboa” da eraikiko den instituzioa.

Auzitegiak aldiz, ez du kontraesanik ikusten prozeduran. Egitasmoa “legearen barnean” egin dela erran du. Beste helegite bat balego ere, berau aztertzeko “astia badagoela" adierazi du, “ez dagoela presarik”.

Baterako kide Nikolas Blainen erranetan berriz, “Administrazio Auzitegiak erabaki hori hartzea espero genuen, ez da ustekaberik izan”. Alta bada, “aldekoek arrangura bat gutxiago dugu” gehitu du Blainek. Izan ere, bere hitzetan, ebazpenak Herri Elkargoa gauzatzeko konfiantza giroa sustatzen laguntzen du.

Ontsalaz, Herri Elkargoak urtarrilaren 1ean abian izan behar luke.

 

Kanal honetan artxibatua: Euskal Elkargoa

Euskal Elkargoa kanaletik interesatuko zaizu...
2017-03-12 | Jakes Bortairu
Lehen ala azken geltokia

2017ko urtea mugarri gisa geldituko da Ipar Euskal Herriko historian, haren ezagupen politikoaren lehen urratsa lortua izan baita. Denek ez badute aitortzen ere, nehork ezin du ukatu jendarteko sektore zabalek bere egin duten aldarrikapen horren gauzatzea abertzaletasunaren garaipena ere dela. Haatik, batzuek espero dute urrats esanguratsu honek abertzaletasunaren ilunabarra ekarriko duela Ipar Euskal Herrian. Ukapena eta mespretxua bazterturik, abertzaletasunak (euskal burujabetza eraikitzeko... [+]


2017-03-12 | Mikel Asurmendi
Posibilismoaren bidean

Frantziako Estatua Errepublika denez geroztik, lehen instituzio politikoa eratu da Ipar Euskal Herrian; Errepublikaren Lurralde Antolaketa Berriaren baitan, NOTRe legearen markoan. Euskal Herri Elkargoa du izena, Communauté Pays Basque. Sortze beretik, izenak berak hainbat dilema sorrarazi du. Aglomerazioa, hirigune, herri eta lurralde izenordeak ere eman baitzaizkio.


2017-03-05 | Bea Salaberri
Bi aholku zoro

Euskal Elkargoko arloetako arduradunak hautatzean, abilki ibili da Jean-René Etxegarai presidentea, inplikatuz egitasmoaren kontra zirenak, baita lekua utziz abertzale etiketadunei ere –ez soberarik halere, hogeita lauetatik bost baitira EAJkoa kontatuz gero– eta hizkuntza politikaren komisioaren buru dugu Beñat Arrabit.

Detaile pipertsu bat: filtratu da Peio Claverie-ri ziotela proposatu lehen intentziotan eta honek kargua ukatu. Pena eman dit kontuak: gogorarazten... [+]


2017-02-23 | Mikel Asurmendi
Euskal instituzioa sortu da!

“Sortuko ahal da!”. Iparraldeko Herri Elkargoaren karietara iragarritako desioa izan zen iaz: urteko joan-jinean, solastoki eta gune politikoetan bermatutako egitasmoa abian da dagoeneko. Ez haatik, tirabira eta gorabeherarik gabe. V. Errepublikako lehenbiziko euskal instituzioak aurkari tematsuak ditu eta.


2017-02-02 | ARGIA
Estatuei ETAren desarmatzean inplikatzeko eskatu diete Urkulluk eta Etchegarayk lehen bilera ofizialean

Iñigo Urkullu EAEko lehendakaria eta Jean-René Etchegaray  Euskal Elkargoko presidentea asteazkenean bildu ziren lehenbiziko aldiz. Argazkiak badu pisua, Bidasoaren bi aldeetako euskal erakundeen lehen bilera ofiziala zelako.


2017-01-24 | Mikel Asurmendi
Hirigune Elkargoa abian da, Jean-RenÚ Etchegarayren presidentziapean

Hirigune Elkargoa osatu da. Frantziako Iraultza ondorengo lehen instituzio politikoa Ipar Euskal Herrian martxan dago. Jean-René Etchegaray da lehen presidentea, hautetsien gehiengoak hala erabakita.


2017-01-23 | ARGIA
Euskal Elkargoaren lehenbiziko presidentea hautatuko dute gaur

Baionako auzapez Jean-René Etchegaray, Gotaine-Irabarneko Bernard Lougarot auzapez zuberotarra eta Angeluko hautetsi komunista Jean-Jacques Doyhenart dira Herri Elkargoaren presidente hautagaiak. Gaur, arratseko 6etan, Baionan eginen den bilkuraren ondoren abiatuko da (HELEP/Herri Elkargoa) euskal instituzioaren egitasmoa.


2017-01-17 | Mikel Asurmendi
Jean-RenÚ Etchegaray Euskal Elkargoko lehendakarigai

Urtarrilaren 23an Euskal Elkargoko Kontseilu Komunitarioaren lehen biltzarra izanen da. Baionako auzapez Jean-René Etchegarayk lurralde kolektibitate berriaren lehendakaritzarako hautagaitza aurkeztu du.


2016-10-19 | Mikel Asurmendi
Elkargoaren ordezkari kopurua trenkatu du Eric Morvan prefetak

Iparraldeko Herri Elkargoa urtarrilean abian jarriko da. Pirinio Atlantikoetako Eric Morvan prefetak egitasmoa behin betiko ebatzi du. Udalerri bakoitzak Elkargoko Kontseiluan izanen duen eserleku kopurua zehaztu du halaber.


Bigarrengoz, Elkargo Bakarraren aurkako helegitea

Hainbat hautetsik, eragilek eta enpresaburuk Ipar Euskal Herrian 2017an indarrean sartuko den HELEP instituzio berriaren aurka egin dute. Eredu administratiboarekin desadostasunak azaldu dituzte oraingo honetan. Maiatzean aurkeztutako helegitean lurralde markoa zalantzan jarri zuten baina Frantziako Estatuko Barne Ministro Bernard Cazeneuvek helegitea bertan behera utzi zuen, elkargoa sortzeko prozedura legezkoa zela argudiatuta.


Azkenak
EGILEA
Eguneraketa berriak daude