Ipar Euskal Herriko Elkargo Bakarra lortzeko lehen langa gainditu dute aldekoek: Biztanleriaren erdiak baietza eman du, Nafarroa Behereko Aiziritze herriak asteazken arratsean aldeko boza eman ondoren.
Prefetak jarritako lehen baldintza bete da dagoeneko: 149.390 biztanleri kopurua gainditzea.
Horrez gain, 158 herrien erdiek ere proiektuaren alde egin behar dute. Orainokoan, 82 herriko etxeek bozkatu dute: 64k alde eta 19k aurka. 79ra heldu behar dute.
Prozesuaren hasieran, udalerri guztiek apiril amaierarako erabakitzea espero bazen ere, horietako askok ez du bozkatu oraindik. Nahitaez, maiatz amaierarako egin beharko dute.
Ongi bidean, proposamenaren aldeko herrien kopurua ere nagusituko da, iragan udazkenean lotesle ez zen bozaldietan halaxe izan baitzen.
Batera plataformako eledun Nikolas Blainek honela erran du azken bozaldia ezagutu ondoren: “Lehen bi baldintzak lortu bezain laster, prozesua bururaino eramateko eta Herri Elkargoa osatzeko eman beharreko pausoak aztertuko ditugu”.
Lehen aldia izanen da Europako funtsak zuzenean kudeatzen ahalko dituela Euskal Hirigune Elkargoak, Akitania Berriko eskualdearen esku hartzerik gabe. 10,8 milioi euroko diru-funtsa izanen da, 2024 eta 2027 artean baliatu beharrekoa.
Euskal Hirigune Elkargoko kontseiluak proposatutako Idorte Planaren neurrietako bat da. Neurriaren lehentasunaren eta osasun-ondorioen inguruko kezkak areagotu dira.
Botere eta diru laguntza gehiago galdegin dizkio Euskal Hirigune Elkargoak Frantziako Gobernuari, lekuko etxebizitza politika azkar bat abiatzeko. Horretarako, AOH Etxebizitza Antolatzeko Autoritatea bilakatu nahi luke.
Euskal Hirigune Elkargoan elikadura eta laborantzaren ardura du Isabelle Pargadek. Laborantza lurren desagerpenari buruz galdetu dio ARGIAk, eta lehen sektorearen funtsa guzion plateretan ageri denez, elikadura burujabetzaz hitz egiten bukatu dugu.
Lapurdi kostaldeko 24 hirietan etxebizitza turistikoa alokatuz gero, jabeak ondasun bat gehiago eskaini beharko du iraupen luzeko alokairu kontratupean, hiri berean eta azalera baliokidearekin.