Sarrerako sarraila hausten saiatu dira eta leiho ugari hautsi dituzte Hendaiako Sasiko gaztetxean. Igande gauean izan da erasoa. Horrelakoek aurrera jarraitzeko indarrak ematen dizkietela adierazi dute gaztetxeko kideek.
“Oroitu behar da Sasiko gaztetxea kanporatze arriskuan dagoela, eta horrelako erasoek gure lana moteldu beharrean, aurrera jarraitzeko gogo handiak ematen dizkigutela”, adierazi dute. Gaztetxeak Hendaiako herriari egin dizkion ekarpenak gogorarazi dituzte eta erasoak “ulertezinak” direla esan dute.
2016ko ekainaren 11n sartu zen Hendaitz gazte asanblada Orioko Etxea izenarekin ezaguna den eraikinera. Eraikinaren jabea APHP Frantziako osasun erakunde publikoa da eta gaztetxearen aurkako salaketa jarri zuen. Iragan astean izan zen epaiketa eta ekainaren 7an jakinaraziko dute epaia. Prokuradoreak gazteen aurkako isun ekonomikoak eta eraikina hustea eskatu du.
Erasorik ez erantzunik gabe ! Lanera jarraitzera, bertzerik ez !!#GoraSasiko pic.twitter.com/qCW3pQgKcO
— Sasiko Gaztetxea (@SasikoGztx) 2017(e)ko maiatzak 9
Erasoaren argazkiak:
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]