Hendaiako Futbol 7 Txapelketa datorren larunbatean

  • Urtero legez, maiatzaren 27an, larunbatez, euskal preso eta iheslari politikoen aldeko futbol hamalaugarren ekitaldia izanen da Hendaiako Ondarraitz estadioan.


2017ko maiatzaren 23an - 08:46

Antolatzaileen esanetan, futbol txapelketa hau ekimen arrunt bat baino gehiago da, helburu politikoa duen ekimena da, euskal preso eta iheslari politikoei sostengua emateko.

"Urteak pasa dira txapelketa hau martxan jarri zenetik eta gauzak ez dira aldatu. Euskal Herrian bake prozesurako pausoak eman diren bitartean, Frantziako eta Espainiako estatuetako espetxe politika krudelak zutik dirau", adierazi dute.

Euskal Herrian, preso eta iheslarien aldeko egun inportantea izatea nahi dute. Kari horretara, egitarau zabala proposatzeko ahalegina egin dute.

Futbol zaleez gain, jende guztiak badu tokia ekimen honetan, adierazi dutenez. Iaz bezala, hiru txoko jarri dituzte jende guztiak bere tokia aurki dezan. Haurren txokoan puzgarriak eta jolasak izanen dira, txikiak ez aspertzeko.

Elkartasun txokoan, goizeko 10:30ean “Kartzela, emakumea eta maitasuna” mahai ingurua izanen da eta egun osoan zehar, material salmentaz gain, Motxilaren umea dokumentala proiektatuko da. Azkenik, karpan, egun osoan "festa eta giro ona" segurtatua izanen omen da.

Eguerdian, Imuntzo eta Belokik giroa alaituko dute eta arratsalde partean Sakatu elektrotxarangak hartuko du euren tokia. Gauean, berriz, kontzertuen txanda izanen da: Erokomeri, Anestesia eta Bad Sound System taldeek joko dute.

Antolatzaileen azken oharra: "Taldea osatu ez dutenek  (7 taldekide gutxienez)  izena ematera animatzen zaituztegu telefono zenbaki hauen bitartez: 0033 0659091886 eta 0034 637194141".

Posta elektronikoz kontaktatu nahiz gero, hona mezua igortzeko helbidea: futbol7.hendaia@gmail.com 


Kanal honetatik interesatuko zaizu: Euskal preso politikoak
26 urteko espetxealdia atzean utzita aske da Iñaki Garces otxandiarra

Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.


Euskal preso eta iheslari politikoen aldeko jaialdia egingo dute Ezpeletan larunbatean

Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.


2024-01-15 | ARGIA
Espetxe politikan salbuespeneko arauak desagertzeko exijitu dute 68.000 lagunek Bilbon

Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]


Eguneraketa berriak daude