Hendaiako erretentzio zentroa apirilaren 3an okupatzeko deia egin du Bizi!k

  • Martxoaren 24an, Bizi mugimenduak deiturik, ehun bat lagunek ekintza sinbolikoa egin dute Biarrizko Europa biribilgunean. Europa kartzela dela salatu eta etorkinen erretentzioen iraupena 90etik 135 egunera luzatzen duen Frantziako Barne ministroaren lege proiektua bertan behera uztea eskatu dute.

Argazkia: Bizi!

2018ko martxoaren 27an - 14:20

Heldu den apirilaren 3an, berriz irekiko da Hendaiako erretentzio zentroa. Horren harira, Bizik elkartasun kanpaina abiatu du: Haiek, gu dira. EtorkiZuna. Apirilan astero ekintza bat burutuko dute. Apirilaren 20 eta 21ean “Imigrazioa bestela pentsatu” foroa antolatuko dute eta Maiatzaren Leheneko manifestaldian etorkinen sustenguz parte hartuko dute.

Migranteen gaiaren kudeaketa errefusatzen duten pertsonak deitu dituzte apirilaren 3ko ekintzan parte-hartzera. Ondorengo fitxa betetzeko deia luzatu dute: etorkiZUna. Helburua da adieraztea migratzaileen ordez Hendaiako erretentzio zentroan nahi dutela atxilotuak izan. Apirilaren 3an atxikimenduen zerrenda osoa emango diote eskura zentroko zuzendariari.

Anaiz Agirrek azaldu du Bizi! borroka honetan engaiatzaren zentzua. Bere esanetan, migrazioaren gaiak gero harreman handiagoa du "jada martxan den klima nahasmenduaren gaizkitze eta zalutzearekin", jakinez herri industrializatuek ardura historiko argia dutela horretan. "Ezin dugu gure arduretarik ihes egin, eta orain "molda zaitezte" erran! Horrelako diskurtso bat oraino onartezinagoa litaike luzaz emigrazio herri bat izan den Euskal Herrian, jakinez milaka Euskal herritar miseriatik ihesi joanak munduko hainbat herritan errezebituak izan direla. Bihotz oneko proiektu errealista bakarra da elkarrekin gero amankomun baten eraikitzea, solidarioa eta jasangarria. Gure etorkiZUna, etorkinekin eraiki behar dugu.", adierazi du.

 

Ekimenaren argazkiak:

 


Kanal honetatik interesatuko zaizu: Errefuxiatu krisi globala
2024-02-29 | Euskal Irratiak
Otsailean 600 migratzaile lagundu ditu Irungo Harrera Sareak

Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]


Egunean hemezortzi migratzaile hil ziren bataz beste iaz Espainiako Estatura iristeko ahaleginetan

Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.


2023-09-29 | ARGIA
Frantziako Gobernuak Bidasoako muga ixtea ez dela zilegi berretsi du Europako Auzitegiak

Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]


Hil gaitzazue

2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]


2023-08-21 | Hiruka .eus
Pertsona guztien erroldatzea bermatuko duen protokoloa eskatu du Marea Horiak

Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]


Eguneraketa berriak daude