Kultura

Hendaia Film Festivala abian da, 35 film labur eskainiko ditu

  • IV. Hendaia Film Festibalak 35 film labur eskainiko ditu bi sail ofizialetan. Emanaldiak Les Variétés zineman eta Mendi Zolan kulturgunean izanen dira, urriaren 13,14 eta 15ean. Anjela Mejiasek zuzentzen duen HFF festibalak eremu urriko komunitateak ditu ardatz nagusia eta Begiradak elkartearen laguntzaz antolatua da.

Mikel Asurmendi @masurmendi
2016ko urriaren 12a
IV. Hendaia Film Festivalak 35 film labur emanen ditu bere bi sail ofizialetan.

Hendaia Film Festibala (HHF) Frantziako Estatuko zine eremu urriko taldeen inguruko film labur lehiaketa da, hedadura eta ospez bigarrena. Lehiaketako emanaldiez gain, Hendaiako eskola ezberdineko umeei zuzendutako emanaldiak ere antolatu dira.

Lehiaketaz kanpo, Tupac Pinilla kubatarraren Otra pelea cubana contra los demonios y el mar, Eugène Green frantziar-estatubatuarraren Faire la parole. Festibalari amaiera emanen dion Fermin Muguruza euskaldunaren Nola? dokumentala New Orleansen filmatuta dago.

Guillaume Valle ‘Ouchini’ margolaria eta Philippe Herbet eta Julio Irisarri argazkilarien erakusketak osatu dute programa oparoa. Besteak beste, artista, zuzendariekin eta zinema munduko profesionalekin batera Ideiatik zuzendaritzara izeneko topaketa irekia ere egingo da.

Sail ofizialeko epaimahai burua Dominique Attal ekoizle frantziarra da. Mahaikideak berriz, Margarita Saad frantziar-uruguaitar artista plastikoa, José Rosas idazle-kazetari perutarra eta Jean Francois Tifou musikagile frantziarra.

Akitania/Euskadi sailari dagokionez, epaimahai burua Fermin Muguruza musikari eta zine zuzendari polifazetikoa da. Mahaikideak, Cécile Alchuteguy, Olatz Beobide aktore eta zuzendari euskalduna eta Anton Zolotov zuzendari errusiarra.

Anjela Mejias irundar-hendaiarrak zuzentzen duen HFF festibalak eremu urriko komunitateak ditu ardatz nagusa eta tokiko Begiradak elkartearen laguntzaz antolatua da. Aurtengo lehiaketa saileko 35 film laburrak, 796 proiektuen artean aukeratuak izan dira.

Kanal honetan artxibatua: Zinema

Zinema kanaletik interesatuko zaizu...
2017-12-17 | Reyes Ilintxeta
"Badirudi hizkuntza menderatzen dugula, baina ezin dugu hitz egin gure instrumentuarekin"

Film luze eta labur, dokumental, antzerki lan, dantza ikuskizun edo bideo jokoetarako soinu banden egilea da. Inprobisatzen eta musikarekin jolasten jartzen dio soinu banda bizitzari.


'The Square' ona da, baina ez galdu Ístlunden aurreko filmak

Urteko filma izateko kiniela guztietan agertzen ari da Ruben Östlund suediarraren The Square. Arte garaikideko museo bateko zuzendariaren erretratu sardoniko honek Cannesen hasi zuen ibilbide loriatsua eta joan den asteburuan Europako Filmen sariketatik sei estatuatxorekin atera ziren pelikulako kideak.


'Handia' Goya sarien kategoria nagusietan irabazle izateko hautagai da

Aitor Arregik eta Jon Garañok zuzendutako filma da Espainiako zine akademiak ematen dituen sarietarako hautagai nagusietako bat: film onenaren saria irabaz dezake, baita zuzendari onenari eta gidoi onenari ematen zaiena ere.


2017-12-13 | Andoni Mikelarena
25.000 euroko aurrekontua, EAEko parlamentariei opera eta zineko sarrerak oparitzeko

Astelehenean onartu zuten Eusko Legebiltzarraren aurrekontua EAJ, PSE eta PPk. Aurten ere mantenduko dute parlamentariei kultur ekitaldietako sarrerak erosteko 25.000 euroko partida.


2017-11-30 | Hala Bedi
'Barrunbeko lurretan' filma grabatuko du I˝igo Perezek Lurburu artista kolektiboarekin batera

Cinema in process kontzeptuan oinarrituta, Araban grabatu eta ekoiztuko da euskaraz, abenduaren 1etik aurrera eta laguntzaileen artean Javier Rebollo zinema zuzendari madrildarra dago.


2017-11-22 | Miren Osa Galdona
Facebookek LGTBI tematikako galizierazko film bat zentsuratu duela salatu dute

Nove de Novembro filma LGBTI tematika erdigunean jartzen duen lehen pelikula luze galiziarra da. Trailerra Facebook bidez zabaltzerako orduan, edukia zentsuratu dietela salatu du Lazaro Louzao zuzendariak. Facebookek dio bideoak ez dituela betetzen sare sozialak eskatzen dituzten irizpideak.


2017-11-14 | Mikel Asurmendi
Hazparneko Zinegin festibalaren VI. Edizioa "Euskara munduan, besteen ahotan" lemapean

Euskal Herriko Zinema eta Dokumental ekoizpena da Zinegin Festibala, Hazparnen (Lapurdi) antolatua. VI. Edizioa da aurtengoa, azaroaren 16tik 19ra bitartean, “Euskara munduan, besteen ahotan” lemapean. Koldo Izagirre eta Patxo Telleria zinegileak izanen dira Lapurdin aste honetan, baita Joseba Sarrionandia ere, Hemen eta han filmaren bitartez. 


"Errementari" garaile, Beldurrezko Astean

Patxi errementariaren ipuin klasikoa berreskuratzen duen eta Arabako garai bateko euskara erabiltzen duen Errementari euskal pelikula izan da ikusleei gehien gustatu zaien film luzea (8,34ko nota jaso du) eta beraz, Paul Urkijoren lana izan da Donostiako Fantasiazko eta Beldurrezko 28. Asteko irabazlea.


2017-11-03 | Miren Osa Galdona
'Non' filma ikusteko aukera egongo da Iparraldeko hainbat herritan

Ximun Fuchs eta Eñaut Castagnet zuzendariek lehen luze metraila eskainiko dute Iparraldean, azaroan zehar.

 


2017-11-03 | Uriola.eus
'Kurdistan begiratuz' zine zikloa Bilbon

Zine Kurduaren II. zikloa datorren astelehenean hasiko da Bilbon. Kurdistan begiratuz izenarekin, hiru film ikusteko aukera egongo da.


Azkenak
EGILEA
Eguneraketa berriak daude