HELEParen aurkako helegitearen egileak gidaritza batzordetik ateratzera gonbidatu ditu Baterak
HELEPa eraikitzearen aurkako helegitea jarri dutenek egoera larria sorrarazi dute Bateraren ustez. Ptataformak irailaren 20an, asteartean,elkarretaratzera deitu du Baionan (17:00etan) Departamentu Kontseilu aitzinean. Anartean, HELEPa eratzen ari den gidaritza batzordeko eta hamar herri elkargoetako presidenteei idatzi die Baterak.
HELEPa eraikitzearen aurkako helegitea jarri dutenek egoera larria sortu dute Bateraren ustez. Orain, sorrarazitako “egoera konpondu" dezatela eskatu die gutun bidez. Prentsa-aurrean aditzera eman dutenez, “Baterako kideak haserre eta aspertuak gaude Herri Elkargoaren kontrakoak egiten ari diren kanpainarekin".
Aurkariek –gidaritza batzordeko hiru hautetsi: Bidarteko auzapez Emmanuel Alzuri, Biarritzeko hautetsi Guy Lafite eta Angeluko Jean-Pierre Laflaquière, besteak beste– Frantziako Barne ministro Bernard Cazeneuvek lehen helegitea baztertzea erabaki ondotik, administrazio epaitegira jo zuten eta Pirinio Atlantikoetako prefetaren erabakia auzitara eraman.
Kontua da, paradoxikoa, helegitea jarri duten batzuek Elkargoa sortu behar duen gidaritza batzordean parte hartzen dutela: "Hautetsi batek ados ez izateko eskubidea du, baina demokraziaren printzipioak onartu behar ditu; gehiengo batek hirigune elkargo bakarra sortzearen alde egin du, baina hauek ez dute amore eman nahi", adierazi du irmo Baterako kide Mixel Berhokoirigoinek.
Gidaritza batzordeko kideek eragindako egonezinari "konponbide bat" eman diezaiotela eskatu du Baterak. Kari horretara, Jean-René Etchegaray gidaritza batzordeko presidenteari eta hamar herri elkargoetako presidenteei gutun bana helarazi die.
Baterak datorren 20an, asteartez, 17:00etan, Departamentu Kontseiluaren Baionako ordezkaritza aitzinean elkarretaratzera deitu ditu herritarrak.
Euskal Hirigune Elkargoko batzar berezia egin dute 232 hautetsiek, bideokonferentziaz. Aurtengo aurrekontua eta Bizilekuen Tokiko Programa onartu dituzte, baina programa errefusatu eta “anbiziozko etxebizitza politika bat” aldarrikatu du hainbatek.
Esnal, Haranburu eta Paroti ezartzen ari zaien “heriotza zigorraz” kexu da elkargoa frantziar justiziaren erabakiaren aurkako mozio batean.
Zortzi atal, 27 proposamen. Hona Baterak Euskal Hirigune Elkargoaren gobernantzaren hobetzeko, Jean-René Etchegaray presidenteari eman dion txostena joan den larunbatean. Baterak, joanden irailetik eskualdeka, 16 herri desberdinetan bilkurak antolatu ditu oharren... [+]
Hautetsiak eta euskalgitzako eragileek osatu lan batzordeak ari dira norabide hauen lantzen, Beñat Arrabit, Euskal Elkargoko hizkuntz poltikarako arduradunak, Amikuzeko irratiaren estrenan azpimarratu daukun bezala.
Oporraldiko azken egunen atzerako kontaketa egitea eskatu zidan buruak nonbait, hartara, ARGIAko egutegiari orri berri bat kendu nion agorrileko hamazazpian. Buruketa hau egitea proposatzen zuen: “Euskal Herriko Lurralde osoa hartzen duen administrazioari nola deitzen... [+]