Hego Euskal Herriak 1.200 errefuxiatu jasoko ditu

  • Euskal Autonomia Erkidegora 1.000 lagun inguru iritsiko dira, eta 200 bat Nafarroara asteartean jakitera eman denez. Lurraldeka, ehunekoak ondorengoak dira: Bizkaian %52, Gipuzkoan %33 eta Araban %15.


2015eko irailaren 10an - 10:28
Irailaren 12an, larunbata, errefuxiatuen aldeko nazioarteko eguna izango da

Errefuxiatuen etorrera kudeatzeko batzordea eratuko da, eta Gobernuz Kanpoko zenbait Erakunderekin bilduko da, Josu Erkoreka Eusko Jaularitzako bozeramaileak esan duenez.

Erkorekak esan du etorkinak “aparteko zailtasunik gabe eta baldintzarik egokienetan” hartzeko prest dagoela “gerra eta miseriatik ihes” egiten ari direlako.

Eusko Jaularitzako bozeramaileak gaineratu du Europar Batasunak Euskal Autonomia Erkidegoari 1.000 errefuxiatu baino gehiago hartzeko agindua ematen badio ez dela “guztiz kontra” agertuko.

Bestalde, Nafarroako agintariak ez daude ados jaso duten “informazio urriarekin”: Miguel Laparra Nafarroako Eskubide Sozialen presidenteordeak “frustrazioa” azaldu du.

Nafarroako herritarren partetik errefuxiatuekiko elkartasun keinuak

Uxue Barkos Nafarroako presidenteak esan du 100 pertsona jarri direla beraiekin kontaktuan, errefuxiatuei laguntza eskaintzeko, Euskalerria Irratiak aditzera eman duenez. Barkosek Nafarroako gizartearen “elkartasun azkarra” eskertu du.

Foru Erkidegoen etorkinei lagundu nahi dieten herritarrek 012 edo 948 01 20 12 telefonoetara dei dezakete, edota navarra@navarra.es helbidera idatzi.


Kanal honetatik interesatuko zaizu: Errefuxiatu krisi globala
2024-02-29 | Euskal Irratiak
Otsailean 600 migratzaile lagundu ditu Irungo Harrera Sareak

Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]


Egunean hemezortzi migratzaile hil ziren bataz beste iaz Espainiako Estatura iristeko ahaleginetan

Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.


2023-09-29 | ARGIA
Frantziako Gobernuak Bidasoako muga ixtea ez dela zilegi berretsi du Europako Auzitegiak

Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]


Hil gaitzazue

2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]


2023-08-21 | Hiruka .eus
Pertsona guztien erroldatzea bermatuko duen protokoloa eskatu du Marea Horiak

Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]


Eguneraketa berriak daude