Hego Euskal Herriko 33.000 etxebizitzaren balioa, hipoteken azpitik

  • Hego Euskal Herriko 33.428 familiak ezingo lukete etxea saldu eta mailegua kitatu, hala behar izanez gero. Alegia, haien hipotekek balio handiagoa dute etxebizitzek eurek baino. Kelisto.es webguneak eman ditu burbuila hipoteken inguruko datuak.


2014ko urtarrilaren 30an - 00:00
Azken eguneraketa: 2015-02-26 13:37:33
Burbuila hipoteken kopuruak azken urteotan gora egin du etxebizitzen batez besteko prezioak behera egin duelako. (Argazkia: ABC)

Araban, Bizkaian eta Gipuzkoan 25.780 familia daude egoera horretan eta Nafarroan 7.648.

Burbuila hipotekek 721 milioi euroko "zuloa" eragin dute EAEn, eta 180 milioi eurokoa Nafarroan. "Zuloa" da etxebizitzaren balioaren eta ordaintzeke dagoen maileguaren arteko aldea. EAEko hipoteken %2,5 dira mota horretakoak eta Nafarroako %0,5.

Katalunian ere zulo handia

Espainiako Estatuko gainerako erkidegoei dagokienez, burbuila hipoteka gehien Katalunian (142.000) eta Madrilen (105.000) daude; baita "zulorik" handienak ere, 5.000 milioi eurokoa Katalunian, eta 3.700 milioi eurokoa Madrilen.

Burbuila hipoteken kopuruak azken urteotan gora egin du etxebizitzen batez besteko prezioak behera egin duelako. "Egun, Espainiako hipotekadunen %10 daude harrapaturik ordaintzeke dituzten maileguek baino gutxiago balio duten etxebizitzetan", diote aurrezkiari buruzko ikerketak egiten dituzten Kelisto.es webguneko kideek. Mota horretako hipotekei ihes egiteko gomendioak ere eskaini dituzte webgunean.


Kanal honetatik interesatuko zaizu: Etxebizitza eskubidea
Elkarretaratzera eginen dute Baionan, Frantziako Ekonomia eta Etxebizitza ministroen bisitaren kari

Guillaume Kasbarian Etxebizitza ministroa eta Bruno Le Maire Ekonomia eta Finantza ministroa Baionan egonen dira ostiral honetan. Etxebizitza eskubidearen aldeko elkarretaratzera deitu du Herrian Bizi plataformak.


Etxebizitza bazterkeriak gora egin du Nafarroan

Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.


Etxegabetzeak 48 ordutan burutu ahal izateko lege aldaketa proposatu du EAJk

EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.


Sei urteko espetxe zigorra eskatu dute bizkaitar baten aurka, etxegabetze bat gelditzen saiatzeagatik Bartzelonan

Bi lagunen kontrako epaiketa hasi da gaur, otsailaren 29ean, Bartzelonan. Akusatuetako bat Zeberiokoa (Bizkaia) da, eta bestea Esplugueskoa (Bartzelona). 2020an Bartzelonan etxegabetze bat gelditzen saiatzean, Esquadra Mossoak bortizki oldartu ziren han bildutakoen kontra... [+]


Eguneraketa berriak daude