Hazparne euskarazko zinemaren erakusleiho izango da azaroaren 19tik 22ra
Zinegin euskal zinemaldia egingo dute Hazparnen, ostegunetik igandera bitarte. Jaialdiak laugarren edizioa izango du. Makina bat dokumental eta fikzio izango dira ikusgai, beldurrezko zinema eta marrazki bizidunak barne. Zinegin Eihartzea kultur etxeak eta Ttattola gaztetxeak sortu zuten 2012an, euskarazko filmak hedatzeko intentzioz.
Jaialdia 80 egunean filmak irekiko du –ostegunean, 21:00etan–. Ostiral arratsean hiru emanaldi izango dira: Bisaiak: jauziaren aurpegiak dokumentala, eta Txetxeala hil eta Euskal Herriaren ABDak filmak –azken hau arduratuko da jaialdiari beldur ukitua emateaz–.
Larunbat eta igandeko saioak filmez beteta datoz. Haritz Barne zinema gelan 10:00etatik 21:00 etara egingo dituzte emanaldiak. Larunbatean, besteak beste, Amama eta Arrakala pelikulak eta Gure sor lekuaren bila dokumentala eskainiko dituzte. Igandean protagonismoa Pikadero eta Izarren argia filmek hartuko dute, besteren artean. Bideo poteoa ere izango da, eguerdian.
Gaualdiak Ttattolan
Egunez ez ezik, gauez ere saioak egingo dituzte, Ttattolan: ostiralean Safety Last! zine-kontzertua eskainiko dute, eta larunbatean Kliklap film laburren lehiaketari egingo zaio tartea. Antolatzaileen arabera, lehiaketa hau da jaialdia “parte hartzaile” egiten duena. Iragan edizioan Lurra izan zen gai nagusia, eta aurten suak hartuko dio lekukoa.
Aupa Etxebeste!-ri omenaldia
Hamar urte bete dituela eta, Zineginek Aupa Etxebeste! filma omenduko du larunbatean, 10:00etatik aurrera. Lehenik eta behin pelikula eskainiko dute, eta ondoren mahai-inguruan film hau ateraz geroztik euskarazko zinemagintzak izan duen bilakaera aztertuko dute.
Apirilaren 12an egingo dute XXI. edizioaren estreinako emanaldia, Bergaran. Maiatzaren 12ra bitartean, 35 herri bisitatuko ditu euskarazko film laburren ekimenak. Berrikuntza gisara, ikusleek film labur onena hautatzeko aukera izango dute.
Apirilaren 8tik 11ra bitartean laburmetrai eta dokumental sorta emanen da, tartean Oskar Alegriaren 'Zinzindurrunkarratz' eta Goya sariaren irabazle 'To bird or not to bird'.
Hilaren 12tik 19ra egingo dute 21. Donostiako Giza Eskubideen Zinemaldia, eta askotariko filmak proiektatuko dituzte: osasun mentala, Palestinaren egoera, migrazioak, lanaren etorkizuna, Ukrainako haurrak eta transexualen eskubideak izango dira zinemaldiko film eta... [+]
Martxotik Frantziako Netflix plataforman euskarazko audio eta azpitituluetako filmak ikusgai dira.
Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]