Haxix klubak arautuko ditu Erandioko Udalak
Haxix kontsumitzaileen elkarteak arautuko ditu Erandioko Udalak. Hori egin bitartean, urtebeteko luzamendua ezarri du Udalak. Hala, Erandio da Bizkaiko lehenengo udalerria haxix klubak arautuko dituela agindu duena.
Pasa den apirilaren 13an argitaratu zen “Euskal Herriko Agintzaritzaren Aldizkaria”-n Adikzioen eta Droga Mendekotasunen gaineko Arreta Integralaren EAEko Legea. Bere 83. artikuluan, Legeak ezartzen du “kalteak gutxitzeko eta osasuna babesteko, erregelamendu bidez arautuko” direla “kalamua kontsumitzen duten adin nagusikoek osatutako elkarteak, baldin eta legez erregistratuta badaude eta irabazi-asmorik gabekoak badira”. Hori kontuan hartuta, Erandioko Udalak “Erandioko udalerrian cannabis kontsumitzaileen elkarteak edo klub sozial pribatuak ezartzeko baimenak etetea” erabaki egin du, itsasadarraren aurreko ostatu batean horrelako klub bat zabaltzeko eskakizuna jaso ostean.
Luzamendua urtebetekoa izango da, eta bitartean, Udalak araudi bat aztertzeko prozedurari hasiera eman dio, horrelako jarduerak kokatzeko baldintza teknikoak zehazteko eta “pertsonen osasuna, bizikidetza, ingurumena eta interes kolektibo zaurgarriak babesteko".
Albiste hau Hirukak argitaratu du eta CC-by-sa lizentziari esker ekarri dugu ARGIAra
Kabaretak, parrandak, emakume biluziak dantzan, kokaina, heroina eta morfina salgai farmazietan... Pelikula bateko eszena dirudi, baina Donostiaz ari gara. Orain 100 urte baino gehiago, aristokratentzat eta burgesentzat festa latzak izaten ziren hiriko kabaretetan. 1917an,... [+]
Ertzaintzaren fokua drogen kontsumora, ekoizpenera eta salmentara bideratu da 2023an eta zenbait operazio ikusgarri egikaritu dituzte Aiaraldean.
Mónica García ministroak ziurtatu du araudi zehatzak egongo direla lurrungailuen erabilera kontrolatzeko, eta zehatz-mehatz aztertuko direla hainbat egoera, “kerik gabeko espazioak zabaltzeko”.
Ezingo da erre hondartza, parke, baso, espazio publiko eta eskola inguruetan. 2024tik aurrera, tabako paketearen prezioa progresiboki igoko da 11 eurotik 13 eurora.