Hauteskundeak Berlinen: Merkelen CDUren kolpea, eta eskuin muturraren agerpena

  • SPD sozialdemokratak irabazi ditu Berlingo eskualdeko hauteskundeak, sei puntu jaitsi arren. CDU demokristauak ere beheraka darrai, eta ezinezko dute bien artean gehiengo absolutua berrestea.

     

Jon Ander De la Hoz Arregi @delarregi
2016ko irailaren 19a
Michael Müller, SDPko hautagaia eta Berlingo alkatea. Eskualdea gobernatzen jarraitzeko beste alderdien babesa behar dute sozialdemokratek.

Eskuin muturreko AfD alderdiaren agerpenak, FDP-ko liberalen itzulerak eta Die Linke ezkertiarraren lau puntuko igoerak hilzorian utzi du bipartidismoa Berlingo länder-ean. Sei puntuko galera pairatu arren, SPD sozialdemokratak irabazi ditu hauteskundeak, beste behin. Horrez gain, Angela Merkelen CDU alderdiak ere beherakada jasan du, eta ia ezinezko bihurtu du bien arteko gobernu koalizioa berritzea.

Hauteskunde erroldaren %67k bozkatu du Berlinen, eta %21k babestu du SPD. CDU, berriz, %17k bozkatu du. Hala, 38 eserleku lortu dituzte sozialdemokratek, eta 31 demokristauek: hamabi falta zaizkie gehiengo absolutua erdietsi eta biek agintean jarraitzeko.

Egoera horretan, gobernagarritasunerako aukera berriak zabaldu dira. Azken orduetan indar gehiena hartu duen aukera ezkertiarren koalizioa da: horretarako, zortzi eserleku gehiago lortu dituen Die Linke eta bi galdu dituen Die Grünerekin bat egin beharko luke SPDk. Bi alderdiek 27na ordezkari lortu dituzte.

Bestalde, FDP liberalak gorakada handia izan du, eta hamabi diputatu izango ditu Berlingo eskualdean. Orain artean parlamentutik kanpo zeuden, 2011an ordezkaritza galdu ostean.

Diskurtso xenofoboaren arrakasta

Aurreko legegintzaldiarekin alderatuta, bi alderdi gehiago izango ditu Berlingo parlamentuak aurrerantzean. Izan ere, FDPz gain eskuin muturreko AfDk lortu du ordezkaritza, historian lehen aldiz.

Hasiera batean, diskurtso euroeszeptikoa zen Alternative für Deustchland-en bereizgarri nagusia, baina migrazio krisia hasi bezain pronto xenofobiarantz biratu zuen diskurtsoa, eta errefuxiatuak hartzearen aurkakoen botoa eskuratu du: guztira, 25 eserleku lortu ditu ultraeskuinak.

Hala, bi urtean Alemaniako 16 eskualdeetatik 10etan lortu du ordezkaritza AfDk. Hurrengo helburua herrialdeko parlamentuan sartzea izango dute, 2013an kanpoan geratu ostean. Datorren urteko irailean egingo dira Bundestag-erako hauteskundeak.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Politika  |  Alemania

Politika kanaletik interesatuko zaizu...
2018-07-16 | Nahia Ibarzabal
Espainiako segurtasun indarrek lurraldetasun-plusa eskatzen dute "euskal gizarteak baztertzen" dituelako

ETA deseginda egon arren Espainiako poliziak bazterketa soziala pairatzen jarraitzen duela adierazi du SUP polizien sindikatuak Publiko egunkarian.


Altsasukoen aldeko kontzentrazio jendetsua Gazteluko plazan

Preso dauden gazteen gurasoek eta Altsasukoak Aske plataformako kideek eskerrak eman zituzten orain arte erakutsitako elkartasunagatik eta mobilizatzen jarraituko dutela espetxeratuak “etxera ekarri arte”.


2018-07-15 | Adur Larrea
Ez hanka ez buru
Egia lege

Munduko Kopatik hamar kaletara

1978ko Munduko Futbol Kopa Argentinak etxean irabazi zuen, Buenos Airesko River Plate estadioan. Handik hamar kaletara zegoen ESMA (Escuela Superior de Mecánica de la Armada) eta bertatik selekzioak sartu zituen hiru golen burrunba entzun zen.


2018-07-15 | Ainhoa Bretos
Euskararen Aldeko Plataforma
Erasoen aurrean, Erriberan elkar hartu dute

Euskararen Aldeko Plataforma eratu dute Tuterako AEK-k, Argia Ikastolak, Beterri Peñak, Arrigarai Euskaltegiak, A ereduan irakasle lanetan ari direnek eta Tuteran Jai Gazte Mugimenduak. Plataformako kideek adierazitakoaren arabera, Nafarroan euskararen kontra etengabe egiten diren erasoen aurrean, aukera berriak proposatu nahi dituzte, hizkuntzak bere esparrua izan dezan: “Euskarari aitortza egin behar zaio, euskarak ofiziala izan behar du Nafarroa osoan”.


2018-07-15 | Xabier Letona
Laura Berro. Iruņean, berdintasunaren talaiatik
"Iruņeko Udal Gobernu Taldea nahiko feminista da"

Uztailaren 4ko goizean zazpi graduko lurrikara izaten ari zen Iruñeko Udaletxean elkarrizketa egiten ari ginen bitartean. Bere bulegoa, ordea, bare-bare zen artean. Eguerdian jakin zen albistea: Aranzadi eta Ezkerra Udal Gobernutik kanpo ziren. Aranzadiko zinegotzia da Berro eta Berdintasuna eta LGTBI saileko arduraduna zen elkarrizketa egiten ari ginen bitartean. Dagoeneko oposizioan da.


Fauna publikoa
Nola justifikatu diru-xahuketa

Jesus Lozak esaten baldin badu efizientzia ez dela zenbakitan bakarrik neurtzen, esplikatu beharko luke zer beste funtzio betetzen duen AHTk “behar bezala”. Baina esplikatu beharko luke serio, zeren Radio Euskadin eman duen azalpen honek brometakoa dirudi.


2018-07-13 | Estitxu Eizagirre
Hassana Aalia
"Espainiako poliziak errefuxiatuak ere torturatzen ditu, mugetan"

1988an jaioa, Saharan. 2011tik bizi da Euskal Herrian, Bilbon lehenik eta egun Hernanin. Saharar Kontseiluko Giza Eskubideen Komiteko kidea da. Mintzo zaigu bere kasuaz, torturaz, Saharaz, paperik gabe bizitzeaz, gero eta polizialagoa den Europaz...


Pasaiako badia
MULTIMEDIA - dokumentala

Espainiako Poliziak Komando Autonomo Antikapitalistetako lau kide hil zituen 1985ean. Oraindik justizia egin gabe, Espainiako Estatuak ezkutarazi nahi izan duen hilketari buruzko kontakizuna eskaintzen du film honek.

Oinatzak Produkzioak-eko Yuri Agirre, Erik Aznal eta Xabier Otamendiren lana, On Produkzioakeko Iban Toledo kameralaria, Olaia Sanchez soinu teknikaria eta Izeia Urdanpilleta makilatzailearen laguntzarekin.


Aldaketak LOMCEn: erlijioak eta itunpeko ikastetxeek pisu gutxiago izango dute

Hezkuntzako eta lanbide heziketako ministroak LOMCEri egingo dizkion aldaketak zehaztu ditu Diputatuen Kongresuan.


Eguneraketa berriak daude