Astelehen iluntzetik ikusgai dago Gipuzkoako diputatu nagusi izateko bi hautagaien arteko eztabaida ARGIAren webgunean. Twitterren #olanotarrak traola erabiliz makina bat iritzi ematen ari dira erabiltzaileak, batak zein besteak hainbat gaien inguruan esandakoez. Hala, ohikoan kontsentsu handia sortzen duten bi esparrutan ere, euskararen normalizazioan eta erabaki eskubidean, ez ziren ados jarri.

Euskara ikasteko doakotasunaren ingurukoak sortu du zalaparta gehien. Euskararen normalizaziorako diskurtso berri bat behar ote den galdetuta, Xabier Olanok (EH Bildu) neurri zehatz bat jarri du mahai gainean: “Euskara ikasi nahi duten guztiei aukera hori doan jarriko diegu”. Markel Olano (EAJ) ez da iritzi berekoa, bere ustetan “doakotasunak ekar dezake egin behar den ahaleginari garrantzi nahikoa ez ematea”. Hortik aurrera txio zaparrada:

euskaran normalizazion ingurun galdetu eta euskara ikastean doakotasuna eztala egokia esan du Markel Olanok. #azeastakeria #olanotarrak

— Irrikaz (@Irrikaz) May 11, 2015

Euskara ikastea doan izan behar litzateke, dio Xabier Olanok. Markel Olano desados: doakotasunak prestigioa kentzen duela dio #olanotarrak

— Gorka Bereziartua (@boligorria) May 11, 2015

¿Vives en Gipuzkoa, no sabes euskera y te gustaría aprender?Deberías saber q a Markel Olano (PNV) le parece MAL q sea gratuito. #Olanotarrak

— Aiora (@probatxoa) May 11, 2015

Zein nabarmen ikusten den #EreduTalka #olanotarrak parez pare jarrita: Kutxabank, Bidegi, errauste planta... http://t.co/PpSnbEJzoV

— Gari Berasaluze (@kalaportu) May 11, 2015

Erabaki eskubideaz, Gure Esku Dagok Goierriko 22 herritan egingo diren kontsultak izan dituzte hizpide aurrez aurrekoan. Kontsulta horiek Gipuzkoa osora zabaltzeko aukerarik ote dago?

Markel Olanok (EAJ) ez du ikusten momentu honetan “baldintza objektiborik” halako dinamika bat martxan jartzeko “tamalez, ezker abertzalearen eta EAJren arteko enfrentamendu politikoak ezinezko egiten du hori”.

Xabier Olano (EH Bildu) ez dator bat, bere ustetan “hauteskunde borrokatxoek ez dute nahikoa garrantzi herri honen erabakitzeko eskubidea zalantzan jartzeko”.  

Hauteskunde borrokatxoak esaten du Xabier Olanok!! Alajaina!! hori bai aurpegi gogorra!! @argia #olanotarrak

— Amaia (@AmaiaAsier) May 11, 2015

Nekez bultza daiteke erabakitze eskubidearen aldeko ekimenik baldin eta elkarrekiko errespetua ez badago. #olanotarrak

— Xabier Eskisabel (@xeskisabel) May 11, 2015

ixiltzen ez zareten artean ez da herri interesekoa den Erabakitzeko Eskubidea gauzatuko dio @markelolano2015 k #Olanotarrak

— Gotzon Elizburu (@gauerdikoeztula) May 11, 2015

Politikari guztiak berdinak? Markelek eta Xabierrek behintzat lehen abizena bakarrik dute berdina. #Olanotarrak

— Eneko Ibarguren (@enekoibar) May 11, 2015

Oihartzuna hedabideetan

Lehen aldia da Gipuzkoako diputatu nagusi izateko EAJren eta EH Bilduren hautagaiak aurrez aurre eztabaidatzen dutela. Aurretik ere antolatu izan dituzte hainbat mahai-inguru, baina Markel Olanok uko egin dio horietan parte-hartzeari, bere esanetan “alderdiek antolatuta” zeudelako.

Ekitaldiak, hortaz, ikusmina sortu du, baita beste hedabideetan ere. Berrian eztabaidaren tenperaturari heldu diote, “Giro onik ez elkarlanerako” izenburuarekin.

Garak gaztelaniaz argitaratu ditu ARGIAk antolatutako aurrez aurrekoaren edukiak, baita Ser irrati kateak astelehenean bi hautagaiek izandako solasaldikoak ere: “Dos Olano, cara a cara tema a tema”.

Noticias de Gipuzkoa-k ere aurrez aurrekoaren berri dakar bere orrialdeetan. Bestalde, Hamaika Telebistak datozen egunotan emitituko du saioa osorik.