'Harmaila' aldizkaria abian da, euskara eta kirola uztartzen dituen kirol egitasmoa

  • Lehen zenbakia kalean da, hainbat edukirekin, eta guztiak filosofia honekin landuak: "Patxadaz irakurtzeko aldizkaria da, kirola eta kirolaria erdigunean jartzen dituena", azaldu dute Eñaut Barandiaran, Iñaki Berastegi eta Aitor Manterola sortzaileek. Harpidedun egin behar da aldizkaria irakurri ahal izateko, online edota paperean, eta harpidedunak behar dituzte, egitasmoak aurrera egin dezan.

Baleike @baleike
2017ko abenduaren 07a
Harmailako sortzaile Iñaki Berastegi, Aitor Manterola eta Eñaut Barandiaran. Argazkia: Gorka Zabaleta

Komunikazio proiektu berri bat kalean da euskarazko hedabideen multzoan: Harmaila aldizkaria. Kirola du ardatz, eta atera berri dute 1. zenbakia. Urtean bost ateratzeko asmoa dute, eta lan mardulak izango dira, 100 orrialdekoak gutxi gorabehera. 1. zenbakiak, esaterako, 100 orrialde dauzka. Hain zuzen, horixe baita Harmaila-ren filosofiaren oinarrietako bat: "Lasai eta patxadaz irakurtzeko lanak izango dira, kirolaren ikuspegi hori gustatzen zaigulako", azaldu du Eñaut Barandiaran gidoigile eta sortzaileetako batek.

"Kirola eta kirolaria erdigunean jarriko ditugu, mamia landuz, azalean eta lardaskerietan geratu gabe, gaur egun kirolari leku askotan ematen zaion tratamendutik erabat aldenduz", gehitu du Iñaki Berastegi kazetariak. Aitor Manterola da proiektu honen atzean dagoen hirugarren hanka, eta kazetariak kontatu da nolatan eman duten pausoa: "Euskal Herrian kirolak sekulako indarra dauka, asko dira kirolariak eta gehiago zaleak, eta horrelako proiektu baten beharrari erantzuna ematera dator Harmaila".

Filosofiaren beste euskarriak lurraldetasuna eta genero berdintasuna dituzte: "Euskal Herriko lurralde guztiei egingo diegu lekua, eta saiatu gara tokia ondo banatzen 0. zenbakian eta 1. zenbakian", azaldu du Barandiaranek. 0 zenbaki uztailean atera zuten, bakarrik online bertsioan, eta abendu hasieran dator 1. zenbakia, paperean ere bai oraingoan. Nabarmena da 1. zenbaki honetan genero berdintasunaren lanketa; izan ere, emakumeen presentzia handia baita 100 orrialdeen barruan.

Euskararen erabilera sustatzeko eta bultzatzeko kirola beharrezkoa dela uste dute hirurek, eta hain justu, horixe da filosofiaren beste zutabeetako bat: "Ikerketek diote nerabeek eta gazteek euskarazko erreferentziak galtzen dituztela eskolatik kanpo, eta kirola izan daiteke euskara bizirik mantendu dezakeena adin tarte horretako pertsonetan. Harmailak emango die aukera kirola euskaraz irakurtzeko, behintzat".

Harpidedunak behar ditugu”

0. zenbakia online irakurtzea doakoa izan bazen ere, hemendik aurrera ordaindu egin beharko da Harmaila eskuratzeko. "Harpidetza bidez izango da hori, eta paperezko harpidetza eginda dutenek eta egiten dutenek etxean jasoko dute aldizkaria abenduaren hasieran", kontatu du Berastegik. Urteko 40 euro ordaintzea nahikoa da etxean jasotzeko papereko urteko bost aleak, eta online bidezko harpidetzagatik 15 euro ordaindu behar dira. Harpidetza egiteko www.harmaila.eus webgunean sartu behar da, Denda atalean. Salmenta ere bultzatuko dute Euskal Herriko hainbat liburudenda eta kioskoetan, eta alea 10 eurotan egongo da salgai.

Hasieran da Harmaila proiektua, eta aurrera egiteko harpidedunak behar dituztela nabarmendu dute hiru sortzaileek: "Ezinbestekoa zaigu harpidedun multzo zabala edukitzea proiektua bideragarria izan dadin. Animatu nahi ditugu Euskal Herriko kirolzaleak Harmailan eser daitezen gurekin batera. Ez zaie damutuko".

Zabaltze prozezuan, Durangoko Azokan egongo da Harmaila, autoekoizleen postuan, eta ilusioz gainezka daude hiru egileak: "Gauza handia da guretzat Durangon egotea, eta eskerrak eman dizkiegu Azokako arduradunei lekua egiteagatik. Leku paregabea da gure egitasmoa euskal jendarteari ezagutarazteko".  

Albiste hau Zumaiako Baleikek argitaratu du eta Creative Commons lizentziari esker ekarri dugu.

Kanal hauetan artxibatua: Kirola  |  Euskarazko hedabideak

Kirola kanaletik interesatuko zaizu...
2017-12-15 | Jon Torner Zabala
Froomen positiboa eta 'Euskadi' izena nork eramango lehia... edo ziklismoak zenbat gogaitzen nauen

Realak azken partida galdu ostean –Malagaren aurkakoa– Whatsapp mezua jaso nuen, J.B. Toshack entrenatzaile ohiaren esaldi batekin: “Astelehenetan hamar jokalari aldatuko ditudala pentsatzen dut, astearteetan zazpi edo zortzi, ostegunetan lau, ostiraletan bi, eta larunbatetan kabroi igualek jokatu behar dutela”. Antzerako zerbait gertatzen zait txirrindularitzarekin.


2017-12-05 | ARGIA
Abenduaren 8an omenaldia egingo diote Aitor Zabaletari, bere hilketaren 19. urteurrenean

Realeko jarraitzaile Aitor Zabaleta labankadaz hil zutela 19 urte beteko diren egunean, omenaldia deitu du Sare Antifaxistak. 13:00etan izango da Donostiako Boulevardean.


2017-12-01 | Jon Torner Zabala
Emakume prehistorikoen besoak, eliteko arraunlarienak baino indartsuagoak

Zientzialariek frogatu dutenez, emakume neolitikoek (K.a. 7.400-7.000) piraguisten pareko indarra zeukaten hanketan, baina %11-16 handiagoa besoetan.


Kataluniako afera. Eta euskal isiltasunaren ondorioak?

Agian, Kataluniako herriak Bruselan abenduaren 7an egin behar duen manifestazioan egotea dagokio Euskal Herriari. Agian, gure aldarrikapena berearekin batera aldarrikatzea dagokigu. Agian, aurten Gabonetan Euskadi-Katalunia partida jokatu beharko litzateke Bruselako Heysel estadioan… Agian.


2017-11-26 | Xuban Zubiria
"Boxeoa kalea berreskuratzeko bidean ikusten dut"

Euskal boxeoa bizi berritzen ari da, eta horren adibide dugu Violeta Gonzalez. Otsailaren 11n egin zuen debuta profesionaletan Lasarte-Orian. Euskal Herrian bizi den emakumezko lehen boxealari profesionala, Neskabox boxeo elkarteko kide da.


2017-11-16 | Jon Torner Zabala
Futbola eta erlijioa: Banandurik behar duten bi erritu?

Realak urteroko meza egin zuen hilaren 9an Andre Mariaren basilikan. Ez da bakarra. Athleticeko jokalariek Begoñako Amari egiten dizkiote eskaintza eta eskertzeak, Alavesekoek Ama Zuriari, Eibarrekoek Arrateko Amari, Osasunakoek Frantzisko Xabierkoari...


2017-11-14 | Jon Torner Zabala
EH Bilduren proposamena euskal selekzioaren inguruan: Bai baina...

EH Bilduk Estaturik gabeko nazioen arteko futbol txapelketa antolatzea proposatu du, “euskal selekzio ofizialak sustatzeko”. Legebiltzarrari eta Eusko Jaurlaritzari eskatu die kirol federazioei “babes osoa” emateko, “nazioarteko txapelketa ofizialetan parte hartzeko egin beharreko gestioak burutzeko”.


Udaltzainek umeen arteko futbol partidura joan behar izan dute Iruñean

Iruñean gertatu da, larunbatean: umeen arteko futbol partiduan, ama batek aurkarien taldeko haur bat heldu du, eta udaltzainek joan behar izan dute. “Helduok haurrei ematen diegun eredua ez da egokiena eta dudarik gabe ez du inolaz zerikusirik kirolak transmititu behar dituen baloreekin”, adierazi dute udaltzainek.


Belaguako aterpea, mendizaleentzako zubi berriz ere

Pirinioetako Lan Batzordeak argi berdea eman dio 2004tik itxita dagoen Erronkariko aterpe mitikoa berreskuratzeari. Nafarroa eta Biarnoa mendizaleentzat lotuko dituzte Belarouat proiektuarekin.


2017-10-31 | Jon Torner Zabala
Nazismoa futbolean: Anne Franken irudia irain modura baliatu dute alemaniar ultrek ere

Alemanian gertatu da oraingoan. Düsseldorf hirian Anne Franken irudidun pegatinak agertu dira, Schalke 04 futbol taldearen kamiseta soinean duela.


Azkenak
EGILEA
Eguneraketa berriak daude