Euskalduna enpresen aurrean "babesik gabe" dagoela salatu du Kontseiluak
Euskararen Gizarte Erakundeen Kontseiluak Kontsumitzaile eta Erabiltzaileen Hizkuntza Eskubideei buruzko Dekretuaren betetze maila aztertu du. Pasa den astean Eusko Jaurlaritzak gauza bera egin bazuen ere, metodologia desberdinak erabili dute Kontseiluko kideek.
Bi azterketek ondorio bera utzi dutela adierazi du Paul Bilbaok: "Dekretua ez dira betetzen ari. Kontseiluaren ikerketaren arabera, hamar enpresatik zazpik ez dute betetzen".
Bilbaok gogora ekarri du dekretuaren balorazio positiboa egin zuela Kontseiluak hau argitaratu zutenean. Dekretua betetzen ez duten enpresentzako ondorioak kendu zituztenean egoera hau gertatuko zela ohartarazi zutela adierazi du: "Zehapenik gabeko dekretua homilia baino ez da, diskurtso hutsa". Lopezen Gobernuak haiek baztertu egin zituela eta "Urkullurenak ez ditu berreskuratu nahi izan", adierazi dute.
Era berean, dekretua egiteko oinarritzat hartu dituzten ereduek, Kataluniakoak eta Quebecekoak, herritarren hizkuntza eskubideak urratzeak zein ondorio izango duen argi zehazten dutela azpimarratu dute. Kontseiluak elkarlanerako deia egin die euskal erakundeei bide horretan aurrera egiteko.
Hezkidetzarekin lotutako proiektuak koordinatzeko lankideekiko bilera batean, mutiko batek ikaskide neska bati irain matxista bota diolako gertakaria kontatu zuen irakasle batek, zalantza sortu zitzaiolako egoki jokatu ote zuen, eta gure artean hausnarketa interesgarria sortu... [+]
Lazarraga kultur elkarteak jaso du udalaren eskutik 2023ko dirulaguntzaren zuriketaren xedapena: 112.000 euro itzuli beharko ditu. Elkarteak adierazi du “udalaren borondate faltak” Gasteiz Antzokiaren proiektua kolokan jarri duela eta “udalak sortutako... [+]
Hirugarren urtez Xiberoako ikastolei bultzada emanen die Tulalaika bestak.
Euskal komunitateari egindako ekarpena aitortzen dion saria jaso du Garabideren lehendakari den soziolinguista arabarrak.