Hamahiru rapero "terrorismoa goraipatzeagatik" inputatu ditu Espainiako Auzitegi Nazionalak
Hamahiru rap kantariek uko egin zioten azaroaren 17an Espainiako Auzitegi Nazionalean deklaratzeari. Eginiko abestien letrengatik deituak zeuden, Directak zabaldu duenez. Raperoak La Insurgencia musika kolektiboko kideak dira eta Youtube eta Facebook bidez zabaltzen dituzte euren lanak. Carmen Lamela epailea ari da hauek ikertzen, Altsasuko atxiloketak agindu dituen epaile bera.
Azaroaren 8an jaso zuten auzitegien zitazioa. Gazteei terrorismoaren goraipatzea, gorrotoa sustatzea, koroari irainak, zilegi ez den elkarteko kide izatea eta estatuko erakundeen aurkako delituak egozten dizkiete. Azaldu dutenez, oraindik ez dakite zein abesti edo froga material dituzten beraien aurka.
Gertaturikoa salatzeko komunikatua zabaldu dute. “Beste behin argi geratu da Espainiako Estatuan, beldur eta zapalketa erregimenari aurka eginez gero, adierazpen askatasunik ez dagoela”, azaldu dute. Taldeak preso politikoekin izaniko elkartasun aktiboa da gazteen ustez “erasoaren arrazoia”. Halere, lanean jarraituko dutela adierazi dute.
La Insurgencia taldeko kide den Alexander “ELGIO” katalanak taldearen aniztasuna defendatu du: “Taldekideak militantzia politiko ugaritakoak gara eta batzuk ez dugu elkar ezagutzen. Estatuko eta atzerriko hiri desberdinetan bizi gara eta sarean egiten dugu lan”. Kideen artean hamahiru atxilotuak eta adin txikiko bat daude Espainiako Estatuan, gainontzeko sei kideak Latinoamerikan bizi dira.
Atxiloketak Gran Canaria, Malaga, Cordoba edo Vigon egin dira besteak beste. Kalean atxilotutako gazteek adierazi dute gainean zuten material elektroniko guztia kendu zietela. Etxean zeudela poliziak eramandakoen kasuan ez zen halakorik gertatu, etxeak erregistratzeko agindurik ez baitzuten.
Raperoekiko elkartasuna adierazteko #AbsoluciónLaInsurgencia traola erabiltzen ari dira sare sozialetan.
Gobernu berriak bide beretik jarraitzen du
Azaroaren 7an hartu zituzten karguak gobernuko kideek. Mariano Rajoy presidenteak Juan Ignacio Zoido kokatu du Barne Ministerioko buru, Jorge Fernandez Diaz polemikoaren lekuan. Halere, ikuspunturik ez da aldatu. Gobernua osatu eta egun bat beranduago, hamahiru rap-kantariek epaitegien zitazioa jaso zuten inputatu bezala deklaratzeko.
Egun berean, Bukaneros zale taldeko –Madrilgo Rayo Vallecano futbol klubeko zaleak– hamabost kide atxilotu zituzten, baita Kataluniako bost independentista ezkertiar ere. Azken hauek Auzitegi Nazionalera deitu zituzten, koroarekiko irain delituak egotzita.
Moncloa jauregia, martxoak 18: industria militarreko elitea Espainiako presidente Pedro Sánchez eta Defentsa ministro Margarita Roblesekin bilduta. Azken lerroan, euskal ordezkaritza: Juan Ignacio López Gandasegui (Aernnova); Jokin Aperribay (SAPA); Carlos Azola... [+]
Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]
Mundakako alkatea Mikel Bilbao zen gertaerak deskribatzen diren garaian, 2019 eta 2020an, eta EAJko herriko Uri Buru Batzarrak presioa egin zion aurreko udalak kontratatutako zerbitzu juridikoak berriz kontratatzeko. Udaleko idazkariak kontratazio horren aurkako txostena egin... [+]
Eskuin muturreko taldeek eta funtzionario publikoek eragindako motibazio politikoko ekintzen biktimen lehen hamabi aitorpenak egin ditu Nafarroako Gobernuak. Beste hirurogei espediente aztertzen ari da.