Hala Bedik 'Izan Media' herri komunikazio tailerrak antolatu ditu

  • Hala Bedi-k Izan Media herri komunikazio tailerrak antolatu ditu beste urte batez. Irailaren 23an, egun osoan zehar burutuko dira Oihaneder Euskararen Etxean, irailaren 18an izena emateko epea amaituko da. ARGIAko Lander Arbelaitz eta Axier Lopez izango dira prentsa eta sare sozialei buruzko tailerrean.

Xalba Ramirez @xalbaram
2017ko irailaren 11

Tailer hauen helburua, “komunikabide handiek jartzen dituzten gero eta traba handiagoei aurre egiteko hazia ereitea da. Herri mugimenduak zein norbanakoak komunikazioaren arloan ahalduntzea eta, bide batez, Hala Bediren proiektu komunikatiboan inplikatzea”. Bost tailer ezberdinetan eman ahalko da izena.

Kartelgintzako Irakasleak Aimar Cordero (HalaBideo) eta  Albaro (DOSporDOS) izango dira. Goizean hastapenak eta arratsaldean kartel landuagoak egiteko oinarriak.

Bideogintza HalaBideo taldeak eskainiko du. Talde ezberdinetan banatuta, ikusentzunezko proiektu bat sortzeko oinarriak emango dira, aurrerantzean bakoitzak garatu beharrekoak.

Irratigintzako irakasleak Imanol Miranda, Alba Fernandez, Iraide Mezo eta Gaizka Amondarain. Ahozkotasuna irratigintzan, irrati mahaiaren erabilera eta audio edizioa landuko dira.

Argazkilaritzan ere oinarrizko printzipioak ikasiz hasiko da, Raul DOSporDOS-en eskutik.

Prentsa eta Sare Sozialen tailerrean izango dira ARGIAko Axier Lopez eta Lander Arbelaitz kazetariak, herri mugimenduetako beste esperientzia batzuekin batera. besteak beste, sare sozialak baliatuta herri mugimenduaren praktika politiko eta komunikatiboa hobetzeko ikasgai batzuk lortzen saiatuko dira. Arratsaldean herri mugimenduen eta prentsaren arteko harremanaren gainean hausnartu eta hainbat gomendio emango dira.

Parte hartzeko irizpideak

Parte hartzeko, harremanak.halabedi@gmail.com helbide elektronikora email bat bidaltzea nahikoa da, izen-abizenak, kontaktua eta aukeratutako tailerra idatziz. Matrikulazioa eginda, 10€ ordaindu beharko dira egunean bertan, eta Hala Bediko USB bat emango da opari, tailerren eduki teorikoekin eta hainbat erremintekin.

Tailer guztiak aldi berean garatuko dira, bi bloketan banatuta: 10.00etatik 13.00etara goizean, eta bazkalostean, 16.00etatik 19.00etara. Izena eman duten pertsonak 9.45etan azaldu beharko dira Oihaneder Euskararen Etxera.

Kanal hauetan artxibatua: Hala Bedi  |  Komunikazioa  |  Gasteiz

Hala Bedi kanaletik interesatuko zaizu...
2018-06-01 | Hala Bedi
Entzun 'OkupaTUGasteiz' abestia, Ekaitz Samaniegoren letrarekin

Abestiaren basea Dj Lorok egin du eta ahotsetan Arabako zenbait musikarik parte hartu dute, Ekaitz Samaniego gasteizko preso politikoaren letrekin. Bestalde, urriaren 6ko egun handirako beroketa-lanak egiteko, jaialdia egingo dute ekainaren 10ean Gaztetxean, DJ lokalekin lagunduta.


Gala Bedi sari banaketa
Utopiari esker

Gala Bedi sari banaketaren kronika. Maiatzaren 18an, Gasteizko Jimmy Jazz aretoan.


Utopiari esker

Gala Bedi sari banaketaren kronika. Maiatzaren 18an, Gasteizko Jimmy Jazz aretoan.


2018-04-25 | ARGIA
Mozal Legea indargabetzeko exijitu dute Eusko Legebiltzarreko Segurtasun Batzordean

Hala Bedi, Eleak/Libre eta Kaleratzeak Stop Araba Eusko Legebiltzarreko Segurtasun Batzordean izan dira apirilaren 25ean. Alderdi politiko guztietako ordezkarien aurrean, Mozal Legea indargabetzeko exijitu dute beste behin, baita Mikel Saenz de Buruaga kazetariari ezarritako isuna bertan behera uzteko ere.


2018-04-18 | ARGIA
Hala Bedik auzitara eramango du Eusko Jaurlaritza, kazetari bati Mozal Legea ezartzeagatik

Ia urtebeteko prozesuaren ostean, Mikel Saenz de Buruaga Hala Bediko kazetariari ezarritako isuna berretsi du Eusko Jaurlaritzako Segurtasun Sailak: Herritarren Segurtasunerako Legea aplikatu zioten kazetariari Gasteizko Errekaleor auzoan polizia-operazio bat grabatzeagatik. Alegazio guztiak baztertuta, Mozal Legeak zigortutako Euskal Herriko lehen kazetaria izango litzateke Saenz de Buruaga.


2018-02-07 | Hala Bedi
"2018: Utopia bat espazioan". Etorkizunari begira ospatuko du Hala Bedik 35. urteurrena

Ia 35 urte pasa dira Hala Bedi irrati libreak uhinetara salto egin zuen abuztuko egun hartatik. 1983an jaio zen helburu argi batekin: ahotsik ez zutenei ahotsa ematea. Asko aldatu da dena denbora honetan zehar, eta garai berrietara etengabe moldatu den proiektu komunikatibo erreferentziala da gaur egun Hala Bedi, irrati libre bat baino askoz gehiago.


2017-09-24 | Axier Lopez
Arabako Alea aldizkaria eta Hala Bedi irratia
"Lehen patatero deitzen ziguten mespretxuz, orain harro esaten dugu"

Aurtengo ARGIA Egunak Gasteizen lur hartuko du urriaren 7an. Hiriburu batean egiten dugun lehen aldia da. Eta ez da kasualitatea Arabakoa aukeratu izana. Ezer gertatzen ez den 8. lurralde erdaldunean. Hori diote aurreiritzi zaharrek. Eta, ohi bezala, egia ezkutatzeko besterik ez dute balio. Arabako gure konplizeek ondo baino hobeto dakite hori. Igor Goikolea eta Maialen Kortabarria (Hala Bedi) eta Aritz Martinez de Lunarekin (Alea) hitz egin dugu.


2017-08-29 | ARGIA
Mozal Legea dela-eta Hala Bediri ipinitako isunaren auzia aztertuko du Espainiako Herriaren Defendatzaileak

Espainiako Estatuko Herriaren Defendatzaileak aintzat hartu du PDLI (Informatzeko Askatasunaren Aldeko Plataforma) taldeak Mikel Saenz de Buruaga Hala Bediko kazetariari ezarritako isunagatik aurkeztutako kexa. Erakundeak PDLIri jakinarazi dionez, zigor horren nondik norakoak aztertzeko lanean hasita daude jada.


Hala Bedik eskatu du irrati lizentzien lehiaketa berriz egiteko

Legebiltzarrari eskatu dio Hala Bedi irratiak lizentziak banatzeko lehiaketa berria martxan jartzeko eta oraingoz behin-behinean emanda duen lizentzia behin-betikotzeko.


2017-05-19 | ARGIA
Hala Bediren oharra, Ertzaintzak kazetari bati mugikorra hautsi ostean
"Herri mugimenduaren bozgorailu izateko jaio ginen eta horrela jarraituko dugu"

Errekaleor auzo okupatuan Ertzaintzak Hala Bediko kazetari bati eraso egin eta mugikorra hautsi dio ostegunean. Irrati libreko kideek oharra plazaratu dute gertatutakoa salatu eta lanean jarraituko dutela aldarrikatzeko: "Herri mugimenduaren bozgorailu izateko jaio ginelako eta horrela jarraituko dugulako. Erradikalak gara, bai. Eta erradikalak izaten jarraituko dugu". Irakurri jarraian oharra osorik:


Azkenak
EGILEA
Eguneraketa berriak daude