Hala Bedi Irratiak martxan jarri du 999 'halabelarri' lortzeko kanpaina

  • Tortillari buelta ematera goaz. Egin zaitez halabelarri lelopean harpidetza kanpaina martxan jarri du Hala Bedi Irratiak. 666 bazkidetik 999ra jauzia emateko asmoa dute, 35. urteurrenean inoiz baino indartsuago egoteko.  


2017ko apirilaren 04an - 10:48

“Ahotsik ez zutenei ahotsa emateko helburuarekin” sortu zuten Hala Bedi irrati librea 1983an, euskara hutsezko lehenengo irratia Araban. Ordutik “eraldaketa soziala” bultzatu eta “komunikazio eredu ezberdin baten alde” lan egin dute. Azken hilabeteetan, baina, arazoak izan dituzte: Eusko Jaurlaritzak lizentzia ukatu die eta haize bolada batek antena bota die, besteak beste.

Egoerari aurre egiteko, irailean elkarlanean hasi ziren Arabako herri mugimendu, elkarte eta eragileekin, komunitatea sendotzeko eta babes ekonomikoa lortzeko asmoz. Orain, erronka jendearengana zabaldu dute: Hala Bedi proiektuaren parte izateko gonbidapena luzatu dute, bakoitzak bere ahalmenaren arabera lagundu dezan.

“Egitasmo komunikatibo hau libre eta posible egiten duena gure komunitatearen babesa da”, adierazi dute, “halabelarriak dira, gure bazkideak, sostengatu eta eraikitzen gaituztenak”.  Harpidetza egiteko hiru modu eskaini dituzte: Internet bidez, Hala Bedi Tabernan edo irratian.


Kanal honetatik interesatuko zaizu: Hala Bedi
2023-11-20 | ARGIA
Hala Bediren web orria martxan da berriz ere

Ikasturtearen hasieran zibereraso bat jasan eta hainbat astez webgunea berreskuratzeko lanetan jardun ondoren, bueltan da Hala Bedi irratiaren web orria. Dagoeneko hasi dira ohiko edukia argitaratzen: Arabako aktualitate albisteak, magazinen edukiak, irratsaioen podcastak,... [+]


2023-08-17 | Hala Bedi
Hala Bedi Irratiak 40 urte bete ditu

Hala Bedi Irratiak 40 urte bete dituela ospatu zuen abuztuaren 6an, lau hamarkada lehenago lehen irrati emisioa egin zuen egun berean.


2022-11-08 | Hala Bedi
2022/2023 ikasturteko parrilla aurkeztu du Hala Bedi Irratiak

Aurten, eguneroko Suelta la Olla, Hizpidea eta Arrosa sareak ekoitzitako Zebrabidea magazinez gain, 42 irratsaio propio izango dira entzungai Hala Bedi irratiaren uhinetan. Euskaraz 14 irratsaio egingo dira, 27 gaztelaniaz eta galizieraz bat.


Eguneraketa berriak daude