Gasteizko Hala Bedi irrati libreak Izan zaitez halabelarri! No es que me sienta, lo soy izeneko kanpaina jarri du abian, bazkide gehiago lortzeko helburuarekin. "Gure finantziazio apustua bazkidetzarena da, alegia, Hala Bedi Irratiaren jarduna gogoko duenak eta aurrera jarrai dezan nahi duenak diruz laguntzea", diote irratiko kideek: "Hori bai, norberaren esku dago kopurua zehaztea, ondoen dagokizuena edo ondo deritzozuena. Bai bai, halaxe da. Hilean 5€, 8€, 10€, 20€... Zuek erabaki".