Sei bat lehergailuk egin dute eztanda goizaldean Korsikako hainbat supermerkatutan eta kalte material handiak eragin dituzte. Supermerkatuak itxita zeuden eta ez da zauriturik izan. Poliziaren arabera Korsikako talde independentista izan da atentatua egin duena.
Bonbak supermerkatuen sarreretan zeuden jarrita eta guztiek aldi berean egin dute eztanda. Poliziak azaldu du hiru bonbak Aiacciu herriko hiru supermerkatutan egin dutela eztanda eta beste banak Alistro, Bastia eta Saint-Florient herrietan zeuden merkataritza kate handietan.
Poliziaren arabera, talde independentista batek egin du eraso, FLNC Korsika Askatzeko Fronte Nazionaletik bereizitako taldeak. Duela aste batzuk ezagutarazi zen taldea eta Korsikako egoera ekonomikoa salatzen du. Azken eraso honetaz gain, etekin ekonomiko ugari lortzen dituzten enpresa handien kontra ere egin izan ditu ekintzak.
Otsaila bukaeran abiatuko dute Frantziako Konstituzioaren moldaketa dakarren proposamenaren idazketa. Agendaren berri ukan bezain laster berretsi du bere baldintza Korsikako Asanbleak: "Irlako hautetsi eta eragile guztiak beharko dira idazketa fasean inplikarazi".
Mediterraneoko uharteko bigarren etxebizitzen kontrako ekintzak bere gain hartu ditu Korsikako Nazio Askapenerako Fronteak (FLNC). Igandetik astelehenerako gauean gertatu dira eta aurretiaz ere bestelako eraso batzuk aldarrikatu zituen abuztu hasieran.
Frantziako Konstituzioan Korsikaren izaera berezia jasoko luke artikulu batek. Presidenteak hezkuntzan korsikera bultzatzeko asmoa iragarri du, baina ez hizkuntza ofizial bihurtzeko.
Autonomisten eta independentisten arteko deliberazio komuna lortu dute, eztabaida, gatazka eta negoziaketa luzeen ondotik. 63 hautetsietatik 46k alde bozkatu dute, oposizioko Un Soffiu Novu-k aurka bozkatu du eta Corsica Libera talde independentistako bat abstenitu da, Josepha... [+]
Korsikaren burujabetzari buruzko saio berezia eginen du uztailaren 4an irlako asanbleak. Bitartean, eskatu beharrekoari buruzko adostasun batera heldu nahian dabiltza alderdi abertzale ezberdinak.