Gurseko kontzentrazio esparruko 500 nafarrei omenaldia eginen die Nafarroako Gobernuak
Exekutiboa hildakoen 40 familiarekin harremanetan jarri bada ere, gehiagorekin kontaktua lortzea du xede. Irailaren 30ean izanen da omenaldi instituzionala, egia, justizia eta erreparazioa lortzeko.
Frankismotik ihesi joan ziren horiek bukatu zuten Gurseko (Akitania) kontzentrazio eremuan; horietako asko, nafarrak: 500, hain justu. Frankismoaren beste biktimetako batzuk izan ziren, zerrenda luzearen parte diren beste bartzuk, fusilatuekin, jazarritako irakasleekin edota bortxatutako emakumeekin bat.
Orain, omenaldia eginen die Nafarroako Gobernuak, irailaren 30ean, Gurseko kontzentrazio esparruan bertan. Goboernuak bi helburu dauzka: bat, gizarte demokratiko batek memoriarekin daukan "konpromisoa" betetzea; eta bi, egia, justizia eta erreparazioa lortzea.
Familia gehiagoren bila
Publikoa izanen da ekitaldia eta hildakoen 40 familia guztiak gonbidatu dituzte; gehiago aurkitzeko bidean daude. Horretarako, Nafarroako Gobernuaren webgunean izen zerrenda bat jarri dute Gursen egon ziren horien senideak aurkitzeko, eta telefono bat, erraztu: 848 42 65 22.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
Udalak jakinarazi du herrian bertan egingo diotela omenaldia apirilaren 28an. Igande honetan, aldiz, beste 198 fusilaturekin batera omenduko dute Valladoliden, baina ez dute hango memorialean hobiratuko.
Iruñeko Erorien Monumentuarekin zer egingo da? Hori da legealdi honetako gai izarretakoa Hiri Buruzagian azken asteetan. Asteazken honetan, Joseba Asiron alkateak kazetarien aurrean jakinarazi duenez, legealdi honetan emango zaio irtenbidea gaiari eta herritarrek... [+]
Nafarroako Gobernuak Espainiako Gerra Zibilaren eta frankismoaren artxibo digitalaren plataforma, Oroibidea, gaurkotu du eta bildutako errepresaliatuen testigantzak laukoiztu dituzte.