Euskal Herriaren erabakitzeko eskubidea aldarrikatzeko eguna izango da igandean Gure Esku Dago ekimenarekin. Dinamikaren bultzatzaileek adierazi dute ekitaldiaren mezua oinarri-oinarrizkoa dela, eta edozein pertsonak bat egiteko moduko eskaera dela.
Euskal Herriko bost hiriburutan –Iruñea, Donostia, Baiona, Gasteiz eta Bilbo– egun osoko egitaraua osatu dute, eta kaleak modu umoretsu eta parte-hartzailean betetzea espero dute antolatzaileek. “Erabakitzeko eskubidea bermatzea herritar guztioi dagokigu, ez alderdi edo ideologia zehatzei”.
Atxikimendu eta babes zabala jaso du Gure Esku Dagoren dinamikak azken hilabeteotan. Euskal Herriko esparru ugaritako pertsona ezagunek adierazi dute bat egingo dutela igandeko ekimenarekin, eta herritarrei ere gerturatzeko deia luzatu diete.
Aurretik herri askotan ehuntze egunak egin dira, eta horietan ehundutako zatiekin oihal-katea sortzeko momentua izanen da igande goizean. Arratsaldean, berriz, hautestontzi erraldoiak eraikiko dituzte oihal guztiak batuz.
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]