"Etorkizuneko gobernu sendo bat osatzea izango da ahalegina"

  • "Inbestidura saiora aurkeztuko gara, baina lana dugu. Elkarrizketei ekiteko asteak izango dira hurrengoak. Gure lehen ahalegina izango da etorkizuneko gobernu sendo eta indartsu bat osatzea".


2016ko irailaren 25an - 22:53

"Hauteskundeak normaltasun osoz gauzatu dira. Alderdi denok kanpaina garbia egin dugu. Eta gaur gizarteak etorkizuna hautatu du. Kanpainan ideiak azaldu ditugu. Orain ideia horiek aurrera egiteko denon arteko elkarrizketa eta elkarlana beharrezko izango da. EAJk kanpaina eredugarria egin du, emaitzak bistan dira. Zorionak EAJri, lan eredugarria izan da! Euskadi eraikitzen jarraituko dugu! Pozik gaude lortu dugun emaitzarekin. EAJren helburua lortu dugu: konfiantza eskatu dugu eta konfiantza jaso dugu.

Neure gain hartzen dut gobernu berria osatzen hasteko ardura. Ilusio biziz onartzen dugu erronka berria. Inbestidura saiora aurkeztuko gara, baina lana dugu. Elkarrizketei ekiteko asteak izango dira hurrengoak. Gure lehen ahalegina izango da etorkizuneko gobernu sendo eta indartsu bat osatzea.

Konpromiso zehatzekin aurkeztu gara eta gaur berretsi nahi ditugu. Bizi dugun momentua zaila eta erabakigarria da, autonomia arloan. Horregatik, ardura eta erantzukizun osoz gobernatuko dugu. Autogobernu gehiago behar dugu eta estatuarekin itun politiko berri bat lortu behar dugu, aldebikotasunean oinarritua eta gure nazio izaera onartuko duena".


Kanal honetatik interesatuko zaizu: Iñigo Urkullu
Analisia
Trantsizio energetikorako ekuazioaren bila

"Ez nire etxe ondoan”, horretan laburbildu zituen Iñigo Urkulluk, bere hitzaldian, berriztagarrien auzian Eusko Jaurlaritzari egiten zaizkion kritikak. Berekoiak ikusten gaitu; ez diogu erronkari behar bezala begiratzen, eta ez gara gai interes orokorra... [+]


Alderdi Egunean, Ortuzarrek azpimarratu du EAJ ez duela "inork" dagoen tokitik mugituko

Alderdi Eguna ospatu du EAJk igandean, Forondan. Andoni Ortuzarrek azpimarratu du EAJri "berriz ere ilusioa piztea" dagokiola, baita errealitate eta erreferente berrietara irekitzea ere.


Aterik itxi gabe, Espainian hoztasunez jaso da Urkulluren proposamena

Urkullu lehendakariak konbentzio konstituzionalaren proposamena egin du Espainiako Estatuan autogobernuaren eztabaidan sakontzeko eta estatu plurinazionalaren egiazko aitortza egin dadin.


Iñigo Urkullu "kezkatuta", AHTk konexiorik ez duelako izango 2042 urtera arte

EAEko lehendakariak Kantabria, Asturias eta Galiziako presidenteak deitu ditu bilkura batera, besteak beste, egoera aztertzeko abiadura handiko trenak Hendaian oraingoz konexiorik izango ez duela-eta.


Eguneraketa berriak daude