Guggenheimek Gernikan ireki gura du bigarren museoa, Sukarrietako aukera baztertuta

  • Iazko abenduan Guggenheim Fundazioak 2018-2020 eperako plan estrategikoa onartu zuen eta bertan, Bilboko museoaren hedapena berriz ere mahai gainean jarri zuen. Bi hilabete eskas pasata jakin da Gernika-Lumo duela helburu orain frankiziak, Sukarrietako museo-proiektua baztertuta.

Gorka Bereziartua Mitxelena @boligorria
2018ko martxoaren 14a
Bilboko Guggenheimen hedapena izango litzateke bigarren museoa.

Iñaki Estebanek –El efecto Guggenheim saiakera idatzi zuen 2007an– El Correo egunkarian publikatu ditu Gernikako balizko operazioaren zenbait xehetasun astearte honetan. Azaldu duenez, Bilboko Guggenheim zuzentzen duen Juan Ignacio Vidarte Gernikan izan zen otsail hasieran, museo berria irekitzeko kokalekuen peskizan.

Hiru aukera posibleren berri eman du Vocento taldeko berripaperak: mahai tresneria ekoizten zuen Dalia fabrika zaharra, gaur egun Bizkaiko Foru Aldundiaren esku dagoena; Urbietako futbol zelaia; eta Muruetako ontziolak. Horiez gain, beste aukera batzuk ere izan daitezkeela dio Estebanen artikuluak, gehiago zehaztu gabe.

Dalia fabrikak dauzka, informazio horren arabera, aukera gehien, 18.000 metro koadroko azalera baitauka eta ondoan baitu 3.000 metro koadroko beste eraikin bat, Gernikako Udalarena.

Esplorazio fasean dago proiektua oraingoz eta Vidartek El Correori esplikatu dio museo gisa ezin dutela erabakirik hartu, Bizkaiko Aldundiak eta Eusko Jaurlaritzak daukatelako azken hitza.

Edozelan, badirudi Guggenheimen bigarren eraikina behin betiko urrunduko dela Sukarrietatik, han martxan jarri gura zuten egitasmoari krisiak eta erakundeen arteko desadostasunek ataka jarri ondoren.

Proiektu haren eta Gernikakoaren artean bada loturarik, nolanahi: plan estrategiko berriaren laburpenean irakurtzen denez, “esperientzia museistiko berritzaile eta bakan baten bidez, artea, natura eta paisaiaren edertasuna konbinatzea” da oraindik xedea, “ingurune ez-urbano batean (Bilboko museoaz bestela)”. Sukarrietako proiektua plazaratu zenean erabilitako erretorikaren oso antzekoa du, beraz, Gernikako proiektuak.

Kanal hauetan artxibatua: Bilboko Guggenheim  |  Gernika

Bilboko Guggenheim kanaletik interesatuko zaizu...
2018-03-27 | ARGIA
Guggenheim Bilbao Fundazioa zigortu dute grebarako eskubidea urratzeagatik

2016an greba egin zuen eta ondoren kaleratua izan zen langile bati 6.251 euroko kalteordaina ematera eta hura berriz ere kontratatzera zigortu dute Guggenheim Bilbao Fundazioa, grebarako eskubidea urratu duelako.


2018-01-24 | LAB sindikatua
Grebarako eskubidea urratzeagatik zigortu dute Guggenheim Bilbao Fundazioa

Manpower Group Solutions SLU eta Guggenheim Bilbao Museoa Fundazioaren kontrako lehen epaia atera zen asteartean.


Fauna publikoa
Beltxargen aintzira autonomikoa

Ballet-koreografia bateko pausoa balitz bezala begiratu behar zaio Juan Ignacio Vidarteren adierazpen honi. Ondo kalkulatua, perfekziotik gertu.


2017-03-09 | Andeka Larrea
Titaniozko burbuila. Guggenheim Bilbao: 20 urte

Museoaren irekiera ikusgarritik hogei urte pasa direnean, planeta-estaldura mediatiko eta guzti, denborak ematen digun distantzia kritikoari esker bere kultura eginkizun eta esanahiaz hausnartzeko aukera paregabea irekitzen zaigu.


Guggenheim bariazioak: zer itxura duten kultur politika autonomikoek sailburu berriari entzunda

Jaurlaritzarentzat momentu egokia dirudi probatzeko ea kulturaren gauza honek balio duen normalizazio sozial eta politikoa lortu izana poltsikoratzeko ere.


2017-01-01 | Lander Arretxea
Haizea Barcenilla arte kritikaria
"Diru publikoz hornitutako museoekin zorrotzagoak izan behar genuke"

Arte kritikaria eta komisarioa da Haizea Barcenilla (Lezo, 1981), baita EHUko Artearen Historiako irakaslea ere. Berria egunkariko zutabeetan begirada gertukoa eta kritikoa eskaintzen die artearen bueltako azken gertakariei. Zorroztasun hori egiaztatzeko saiakera egin dugu guk, museoen funtzionatzeko eraz, erakundeen paperaz eta prekarietatearen arteaz galdetuta.


2016-09-14 | Uriola.eus
Giza katea egingo dute Guggenheim Museoko hezitzaileen kaleratzea salatzeko

Irailaren 5ean Bilboko Guggenheim Museoan Manpower Groupek azpikontratatuta dauden gida eta hezitzaileek greba mugagabea hasi zuten. Harrezkero 18 hezitzaileren kaleratzea salatzea eta lan baldintza duinak exijitzea izan dute xede mobilizazioen bitartez.


2016-09-02 | Uriola.eus
Irailaren 5ean greba mugagabea hasiko dute Guggenheimeko hezitzaileek

Guggenheim Museoko hezitzaileak lan baldintza duinen alde eta kaleratzeen kontra 9. greba egunean murgildu dira gaur. Zuzendaritzak 18 langileren kaleratzea dakarren proposamena aurkeztu zuen azken bileran eta langileak ez daude prest hori onartzeko. Irailaren 5etik aurrera greba mugagabe bati hasiera emango diote. 


Guggenheim museoak hezitzaile guztiak kaleratuko ditu lan baldintzak hobetzeko eskaeren ondoren

Bilboko Guggenheim museoak hemeretzi langile kaleratuko dituela salatu dute museoko lan baldintzak hobetzearen alde mobilizatzen ari ziren langileek.


2016-08-18 | Uriola.eus
Guggenheim Museoko hezitzaileek bost egun daramatzate greban

Guggenheim Museoan azpikontratatutako hezitzaileek bosgarren greba eguna egingo dute ostegun honetan, lan-baldintza duinak eta euren enpleguen egonkortasuna bermatuko dituen zerbitzuaren subrogazioa aldarrikatuz.


Azkenak
EGILEA
Eguneraketa berriak daude