Gernika-Lumoko (Bizkaia) Udalak, Pablo Picassoren Guernica (1937) koadroa Madrileko Reina Sofia museotik Gernikara ekartzeko kanpaina jarri du abian. Nahi duen orok Guernica-Gernikara webgunean sinatu dezake eskaera. Helburua 500.000 sinadura biltzea da. Jose Mari Gorroño alkateak azaldu du Gernikako herriak koadroa bertara ekartzeko eskubidea duela. Horrez gain, jakinarazi du gutun bat helaraziko diotela Nazio Batuen Erakundeko (NBE)  idazkari orokor Ban Ki-moon-i, koadroaren aferari buruz NBEren egoitzan aipamen berezia egin dezan.