Guardia Zibilak Pablo Raventós Unipost mezularien enpresako zuzendari nagusia atxilotu du, ostegun goiz honetan enpresa honek Hospitalet de Llobregaten duen egoitzan egiten ari den miaketan.
Bartzelonan enpresak duen beste egoitza bat eta pertsona baten etxea ere miatzen ari da Guardia Zibila. Miaketan urriaren 1eko erreferenduma ikertzen ari dira, Kataluniako Lurralde Auzitegiko Juan Antonio Ramirez Sunyer epaileak irekita duen auzian.
Ez da lehen aldia enpresa hau miatzen dena, joan den irailaren 19an ere egin zuen Guardia Zibilak eta orduan 45.000 errolda txartel eraman zituen. Herritarrek jarritako erresistentziaren aurrean, orduan hiru ordu behar izan zituen Guardia Zibilak egoitzan sartzeko. Atzemandako materialarekin erreferenduma egiteko behar ziren errolda txartelen %80 eskuratu zutela iragarri zuten.
Txartel hauek balio zuten herritar bakoitzak non bozkatu behar zuen jakiteko. Orduan Espainiako Barne Ministerioak ia desegintzat jo zuen urriaren bateko erreferendumaren antolaketa, baina urriaren 1ean bertan, Generalitateak errolda unibertsalaren aukera ireki zuen, herritar bakoitzak ahal zuen bozka-gunean bozkatzeko.
Correos-ekin ezin zuenez banaketa egin, 2014ko azaroaren 9ko kontsultan ere Generalitateak Unipost erabili zuen errolda txartelak banatzeko, Rafal Catalá Espainiako justizia ministroaren arabera, enpresak zituen arazo ekonomikoez baliatuta. Codorniu-ren jabea den Raventós familiaren enpresa sarekoa da Unipost, La Vanguardian irakur daitekeenez. Indipendentzia prozesuarekiko desadostasuna agertuz, Codorniuk urrian utzi zuen Kataluniako egoitza soziala eta Errioxako Erkidegora eraman zuen.
Beheko bideoan ikus liteke irailaren 19ko miaketa, guztiz bestelako giroan. Ordukoa da erresistentzia baketsuan Guardia Zibilaren aurrean egindako lehen bilkura. Hurrengo egunean izan ziren Gobernuko karguen lehen atxiloketak.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]