Guardia Zibilak armak erabiliz euskal presoen senideak geldiarazi dituela salatu du Etxeratek
Etxerat euskal preso politikoen senideen elkarteak joan den larunbatean Guardia Zibilak izandako portaera salatu du asteazkenean prentsaren aurrean egindako agerraldi baten bidez.
Etxeratek salatu duenez, larunbatean, goizeko lauetan, Guardia Zibilaren bi kotxe kamuflatuk armak leihatilatik aterata Kordobara bidean zihoan senideen furgoneta bat geldiarazi zuen.
Ibilgailuko ateak ireki, gidariari pistola buruan jarri, kanpora atera eta lurrean etzatera derrigortu zuten eta “operatibo antiterrorista” zela oihukatu zieten geldiarazitako pertsonei. “Une oso gogorrak” izan zirela azaldu dute.
Handik denbora batera, agenteek “akats bat izan zela” esan zieten geldiarazi zituzten pertsonei eta erretiratu egin ziren furgoneta ia erregistratu gabe, Etxeraten arabera. Akatsa izan ote den zalantzan jarri du ordea presoen senideak biltzen dituen elkarteak.
Ohituegiak gaude ex profeso kontroletara, gu bakarrik gelditzen gaituzten "zorizko" kontroletara, honetan akats bat baino ez ikusteko.
— Etxerat_Elkartea (@EtxeratElkartea) 2016(e)ko irailak 14
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.