Guardia Zibila "desarmatu" egin da Oņatiko Fan Hemendik egunean

  • Fan Hemendik Eguna egin dute beste urte batez Oñatin. Egun osoko festa izan da eta manifestazio jendetsu batekin amaitu dute Fan Hemendik, utzi bakean Euskal Herria lemapean. Ekitaldi nagusian, berriz, Guardia Zibilaren armagabetzea irudikatu nahi izan dute, antzerki baten bitartez.

Goiena @goiena
2017ko ekainaren 19a
Joan den larunbatean egin zuten Oņatin Fan Hemendik eguna. (Arg.: Goiena)

Julen Romaratezabala antolakuntzako kideak azaldu du eguna ondo joan dela, eta balorazio positiboa egin du, nahiz eta gaineratu duen hobe litzatekeela egun hau egin beharrik ez izatea: "Zoritxarrez, urteroko hitzordua da guretzat, urtetik urtera egin behar izaten dugu. Hala ere, ondo joan da guztia. Bazkarian azoka bete egin dugu eta The Sinners taldearen kontzertua ere oso ondo egon da", adierazi du.

Bestalde, goizean bake artisauen azoka ere egin dute. "ETAren armagabetzea ardatz hartuta eta gaiari buelta bat emanda, inguruan ditugun artisauen postuekin azoka bat egin dugu, eta hau ere ondo egon da", dio Romaratezabalak.

Honekin lotuta, ekitaldi nagusian, Guardia Zibilaren armagabetzea irudikatu nahi izan dute, antzerki batekin. "Berez gure aldarrikapena ez da Guardia Zibilaren armagabetzea, hauek Euskal Herirtik joatea baizik, bakean utz gaitzatela. Gai nagusia izan da. Hala ere, antzerki honekin kritikatu gura izan duguna da beste arma batzuk ere min handia egin dutela eta horiek isiltzeko momentua ere bada", azpimarratu du Romaretazabalak.

Beste urte batez, oso jendetsua izan da manifestazioa, eta bertan oñatiarrak bakarrik ez, kanpoko jendea ere egon da. "Poztekoa da kanpoko jendea ikustea. Kuartela hemen egon arren, gura izaten dugu kanpotik ere jendea etortzea eta pozik gaude horrekin ere".

Azkenik, Romaratezabalak adierazi du ez direla geratuko borroka honetan. "Datorren urtean ere egin beharko dugu egun hau. Hala ere, eskatzen duguna da, benetako bakea lortu gura bada,  egin behar dutenek egitea indarra. Guk egin genezakeen bakarra azpitik indarra egitea da eta hala egiten dugu, baina beste batzuek egin behar dute benetako indarra", bukatu du.

Altsasukoekiko elkartasuna

Altsasutik ere etorri dira hainbat lagun, aldarrikapenarekin bat egitera, eta Romaratezabalak dio harreman estua dutela, borroka berean daudelako. "Guztiok dakigu zer pasatu zen Altsasun, komunikabideen partetik ze bola eman zaion eta guzti horren atzean zer dagoen. Borroka berean gaude, beraz, elkartasuna adierazten diegu". Hemen eguna argazkitan ikusteko aukera.

Albiste hau Eneko Azurmendik argitaratu du Goienan eta ARGIAra ekarri dugu CC by-sa lizentzia baliatuta

 

Kanal hauetan artxibatua: Guardia Zibila  |  Antimilitarismoa  |  OÃąati

Guardia Zibila kanaletik interesatuko zaizu...
2018-05-17 | ARGIA
Preso ohiei ondasuna kentzeko operazioa abiatu du Guardia Zibilak

Espainiako Barne Ministerioak jakinarazi duenez, 50 euskal preso ohi ingururi ibilgailuak, kontu korronteak eta ondasun higiezina errekisatzeko operazioa abiatu du Guardia Zibilak, "biktimak indemnizatzeko funtsak lortzeko helburuz".


Kolore bizia, faxismoa ezkutatzeko?

Gauza batek arreta deitu dit ETBk gazteentzako saio batean egin duen Negu Gorriaken Kolore bizia kantaren bertsioan: abestiaren letra zikiratu dutela, Lucrecia Pérez eta haren hiltzaileak aipatzen dituena, hain zuzen.


2018-05-02 | ARGIA
Guardia Zibilek ukatu egin dute Compains torturatu izana

Lau Guardia Zibileko agentek ukatu egin dute Eneko Compains torturatu zutenik. Asteazken honetan deklaratu dute Nafarroako Auzitegian, 2010eko polizia operazioaren ostean Compainsek salatutako tratu txarrengatik.


2018-04-18 | Axier Lopez
Altsasuko auzia
Guardia Zibil baten emaztearen bertsioa gezurtatzen duen argazkia

Altsasuko gazteen aurkako epaiketan, asteartean Guardia Zibileko teniente baten emazteak –Maria Jose izenekoa–, behin baino gehiagotan adierazi zuen auzipetuetako bat, Adur Ramírez de Alda, kamiseta gorriz jantzita zegoela erasoak gertatu ziren gauean. Altsasuko gazteen gurasoek igorri duten argazki honetan argi ikusten da hori ez dela egia.


2018-04-16 | Xabier Letona
50.000 lagun justizia eske Iruņean

Iruñean oso aspaldi egin den manifestaziorik handiena egin zen larunbat arratsaldean Altsasukoekin elkartasunez, eta askoren ustez Iruñean izan den handiena. Udaltzaingoaren arabera 38.000 pertsona izan ziren bertan eta antolatzaileen esanetan 50.000. Egun ederra egin zuen Iruñean eta jendetzak hiriburua hartu eta gozatu zuen egunean zehar. Astelehenean, hilaren 16an, hasiko da hamar gazteen aurkako epaiketa Madrilen.

 


2018-04-13 | Xabier Letona
Zaratametroa: kaleak lepo egingo du Altsasuren alde

Zaratametro gisako batek esaten dizu noiz joango den jende asko manifestazio batera, eta orain  honek esaten du larunbatean Iruñean Altsasuko gazteei sostengua ematera jende asko joango dela. Urriko amaiera urrun hartatik ikusten zenuen herritarrek berehala harrapatu zutela gazteekin egiten ari zen injustizia, eta hala ere, bederatzi hilabete geroago txundituta geratzen zinen ikusita nola sanferminetan Iruñeko Gazteluko plaza jendez lepo zegoen, gutxitan ikusten den moduan... [+]


2018-04-11 | ARGIA
Altsasuko gazteen aldeko larunbateko manifestazioan izango dela iragarri du Nafarroako Gobernuak

Nafarroako Gobernuak ere parte hartuko du Altsasuko gazteen egoera salatzeko larunbatean Iruñean egingo den manifestazioan. Maria Solana bozemaile eta kontseilaria izango da bertan.


2018-03-21 | ARGIA
Guardia Zibilek eta Espainiako Poliziek manifestazioa deitu dute ostegunean Donostian

Martxoaren 22an 18:00etan Kursaalaren aurrean hasiko den manifestazioa deitu dute Espainiako Poliziek eta Guardia Zibilek Ertzaintzaren eta Esquadra Mossoen soldata bera edukitzea eskatzeko.


2018-03-21 | ARGIA
Guardia Zibilez jantzitako bi pertsona Puigdemonten Belgikako etxean sartzen saiatu dira

Belgikako poliziak bi lagun identifikatu ditu, Guardia Zibileko agentez jantzita Carles Puigdemont bizi den etxera sartzen saiatzen ari zirelako.


Azkenak
EGILEA
Eguneraketa berriak daude