Guardia zibil batek euskaraz ari ziren Algortako bi gazte iraindu dituela salatu dute
Algortako Indar Okupatzaileen Kontrako Hanka mugimenduak zabaldu duenez, herri horretako taberna bateko terrazan eserita zeuden bi gazte, zerbitzuz kanpo zegoen guardia zibil bat heldu eta galderak egiten hasi zitzaienean, martxoaren 4an.
Gazteek azaldu dute guardia zibila beraien ondoan eseri eta lagunarteko tonua erabiliz hasi zitzaiela hizketan. Nongoak ziren galdetu zien, eta ia zergatik hitz egiten zuten euskaraz. Bere bizitzari buruzko gauzak ere kontatu zizkien. Halako batean, gazteak sorbaldetatik heldu eta irainka hasi zitzaien.
Haien garagardoak hartu eta edan egin zituen, eta bietako bat aulkitik lurrera botatzen saiatu zen. Barrara zihoala eta hortik ez mugitzeko esan zien, baina gazteek alde egin zuten. Tabernariek adierazi dutenez, horren ostean guardia zibilak kolpe bat hartu eta konortea galdu zuen taberna barruan.
Bi gazteek izandako “zuhurtzia” azpimarratu du Hankak, eta horrelako egoeren aurrean “argi ibili behar dela” adierazi du. “Eguneroko probokazio eta jazarpen honi hortzak erakuts diezazkiegun”.
Ceutako Tarajal hondartzan hamalau lagun hil zituzten duela hamar urte, itsasoz igeri Europara iritsi nahian, guardia zibilen eta Marokoko polizien tiro artean. Haien senide eta lagunek urteurrena baliatu dute justizia eskatzeko, auzia oraindik epaitegietan baita. Justizia... [+]
Duela 10 urte Ceutako Tarajal pasabidean 14 pertsona hil zituzten, itsasoz igeri Europara igaro nahian zebiltzala guardia zibilak haien kontra oldartu ostean. Geroztik Duintasun Martxa egin dute urtero, eta ekimen horretako Bilboko taldeak sarraskiaren eta “mugako... [+]
Auzitegi Nazionalak Marlaska ministroa derrigortu du guardia zibila mailaz igotzera. Kargugabetu egin zuen 2018an, "konfiantza falta" zela eta. Sánchez Corbík errekurtsoa jarri zuen erabakiaren aurka, eta Auzitegi Nazionalak babestu egin du. Kepa... [+]
Ostegunean eta ostiralean Genevan (Suitzan) aztertuko dute ea Espainiako Estatuak gaiari dagozkion baldintzak betetzen dituen ala ez. Egiari Zor, Giza Eskubideen Behatokia eta Sarek “aurrerapenak” daudela azaldu dute.