Greziako Barne ministroaren bulegoan bonba jarri dute
Etxean egindako lehergailu batek eztanda egin du Greziako Barne ministroaren bulego pribatuan, Atenasen erdigunean.
Honela gelditu da Greziako Barne ministroaren bulegoko atea bonbaren ondorioz (argazkia: Greekreporter.com).
Yannis Mihelakis kontserbadorearen bulegoaren kanpoan jarri zuten bonba bart gauean eta kalte material txikiak besterik ez ditu eragin.
Dena den, Grezian 2009tik berragertu den borroka armatuaren erakusgarri berri bat da atzoko atentatua. Azken bost urteetan asko ugaritu dira atentatuak. Poliziak talde anarkistei leporatu ohi dizkie.